Татарстан заказниклары администрацияләре үсеп килүче буынны экологик яктан тәрбияләү буенча эш тәҗрибәсе белән уртаклашты

2024 елның 9 августы, җомга

Чистай районында дәүләт тыюлыклары администрацияләренең тәҗрибә уртаклашу буенча семинары узды. 

Чара барышында тыюлык дирекцияләре хезмәткәрләре махсус сакланучы табигать территорияләренең экологик агарту эшчәнлеген оештыру тәҗрибәсе белән уртаклаштылар, шулай ук тыюлыкларның 1 нче яртыеллык эшенә йомгак ясадылар.

 «Мондый конференцияләрдә катнашу тәҗрибә уртаклашу һәм һөнәри элемтәләрне үстерү планында гына түгел, ә үзара яңа идеяләргә һәм проектларга илһамландыруда да зур әһәмияткә ия», – дип билгеләп үттеләр очрашу ахырында катнашучылар.