Саклана торган сукмаклар буйлап: Түбән Кама укучылары тыюлыклар хакында белемнәрен сынаштылар
Түбән Кама районының яшь табигать белгечләре «Заповедный ПРОФИ 2.0» квизы буенча танып-белү-күңел ачу экологик маҗарасына юнәлделәр.
Балалар, дүрт командага бүленеп, кыргый табигатьнең гаҗәеп фактлары турында ребуслар чиштеләр, фото һәм видеоловушкалардагы хайван тавышларын таныдылар, шулай ук махсус саклана торган табигать территорияләрендәге белгечләрнең эш үзенчәлекләрен өйрәнделәр. Ярышларда алар күңелле итеп вакыт уздырып кына калмадылар, тыюлыклар турындагы белемнәренең югары дәрәҗәдә икәнен исбатладылар, хайваннар һәм үсемлекләр дөньясын саклау буенча белгечләрнең дуслары булырга теләк белдерделәр.
.jpeg)
Квизны оештыручылар барлык катнашучыларга активлыклары һәм әйләнә-тирә мохитне саклау темасына булган кызыксынулары өчен рәхмәт белдерә. Үзегез өчен табигать дөньясын ачуны һәм башкаларны планетабыз турында кайгыртырга рухландыруны дәвам итегез.