Татарстан күбәләкләре: Сирәк төрләр белән танышабыз
Татарстанда күбәләкләрнең бик күп сирәк төрләре яши. Күбәләкләр көнендә аларның кайберләре турында кызыклы фактларны карап үтик:
• Үле баш – Төньяк Африкадагы бражниклар гаиләсендәге иң зур күбәләк, РФ Кызыл китабына кертелгән. Соңгы тапкыр 2013 елда Лаеш районында күренә.
• Адмирал – Урта диңгез буеннан килгән сәяхәтче, бигрәк тә көз көне актив. Коллекцияләү аркасында, бүген ул куркыныч астында.
• Күзләч балкарак – матур тышкы кыяфәте белән аерылып тора, аның гусеницалары үзенчәлекле мөгезле.
• Каен ефәк күбәләге – җенси диморфизмлы сирәк төр: ата күбәләкләр – җирән, ана күбәләкләр ак төстә.
• Махаон – төбәгебезнең иң зур һәм иң матур күбәләге. Кызыл китапка 2006 елда кертелгән, ә 10 елдан соң популяция торгызылган.
• Траурница – каенлыкларда яши, күрше төбәкләрдә саклана.
• Тирәк тасмачы һәм кара төрткеле чуар күбәләк – башка төбәкләрдә саклана торган сирәк төрләр.
• Бакча чуар күбәләге – сирәк төр, аны еш кына кычыткан күбәләге белән бутыйлар.
Шунысын да билгеләп үтәргә кирәк, күбәләкләрнең 100 гә якын төре Россиянең Кызыл Китабына кертелгән, 34 төре Татарстанның Кызыл Китабына кертелгән. Бу бөҗәкләр, чәчәктән чәчәккә күчеп, үсемлекләрне серкәләндерүдә төп роль уйныйлар.