Республикада кайбер кыйммәтле мехлы хайваннарга һәм пошиларга ау сезоны ачыла

2025 елның 15 сентябре, дүшәмбе

ТР Биоресурслар буенча дәүләт комитеты хәбәр иткәнчә, бүген республикада кайбер төр кыйммәтле мехлы хайваннарга (үр куяны, төлке, корсак) һәм барлык җенес-яшь төркемнәрендәге пошиларга ау сезоны ачыла.

Үр куяны, төлке, корсакка ау сезоны 2026 елның 28 февраленә кадәр, пошига – 2026 елның 10 гыйнварына кадәр (рөхсәттә күрсәтелгән сроклар нигезендә) дәвам итәчәк.

Исегезгә төшерәбез: аучыларга Аучылык һәм янгын куркынычсызлыгы кагыйдәләрен, шулай шулай ук аучылык ресурсларын аулауның рөхсәт ителгән нормаларын һәм утлы корал белән эш иткәндә куркынычсызлык техникасын үтәргә кирәк.