«Зәңгәр күлләрне саклаучылар» бергәлеге катнашучылары Казан федераль университеты һәм ТР Биоресурслар буенча дәүләт комитеты экспертлары белән берлектә заказникта Кызыл китапка кертелгән 4 яңа төрне тапканнар. Табылдыклар арасында әтәч гөмбәсе, төз кладония лишайнигы (төбәктә барлыгы өченче тапкыр очравы), каурыйсыман неккер мүге һәм сумалалы исхнодерма гөмбәсе. Алар барысы да – яхшы сакланган урман индикаторлары, ә каурыйсыман неккер тотрыклы микроклимат шартларында карт агачларда гына үсә. Шулай ук Кызыл китапка кертелгән алтынсу корташар кошның өч оя кишәрлек һәм сирәк очрый торган алтынсу псевдомерулиус гөмбәсе теркәлгән. Тикшеренүләр яңа экологик сукмакны проектлау белән бер үк вакытта үткәрелде: антропоген йөкләнешне булдырмас өчен, сазлыкларның һәм урманнарның кыйммәтле участокларын картага төшерделәр. КФУның өлкән укытучысы Ким Потапов билгеләп үткәнчә, «хәтта тапталган сукмаклар да югары табигый кыйммәтләре белән аерылып тора һәм сак мөнәсәбәт таләп итә».  

«Ровесник» шәһәр яны лагеренда «Беренчеләр хәрәкәте» активистлары өчен станцияләр буенча уен вакытында балалар имәнлекнең куе үләне арасында  буталып чыга алмый яткан кечкенә гөберле баканы күреп алалар. Кызларның берсе кыюлык күрсәтә: пөхтә генә итеп үлән сабакларын чистартып, кечкенә гөберлене учына ала да, башкалар белән бергә, ярдәм сорап, олылар янына йөгерә.

Бүген нарат урманы, дала һәм кыр киекләрен ау этләре (ретривер, спаниель һ.б.) һәм ау кошлары белән аулау сезоны ачыла. Ул 2027 елның 5 гыйнварына кадәр дәвам итәчәк.  

ТР Биоресурслар буенча дәүләт комитеты хезмәткәрләре Спас районы аучылары белән берлектә бензин генераторы сатып алганнар һәм аны сугышчыларга – МХО катнашучыларына тапшырганнар. Без алар өчен көнкүрештә әһәмиятле әйберләр алырга тырышабыз. Бүген безнең төп бурыч – егетләр, тәэмин итү һәм көнкүреш ихтыяҗлары турында борчылмыйча, хәрби бурычларны тыныч үти алсыннар өчен, хәрби хезмәткәрләр өчен уңайлы шартлар оештыруда ярдәм итү.