Казанда Kazan Digital Week-2026 Халыкара форумы узачак
29 – 31 октябрьдә Казанда «Казан Экспо» халыкара күргәзмәләр үзәгендә көндезге һәм онлайн-форматта Kazan Digital Week – 2026 Халыкара форумы узачак. Оештыручылар: Россия Цифрлар министрлыгы, Татарстан Республикасы Министрлар Кабинеты һәм Цифрлы үсешкә ярдәм итү ассоциациясе. Форумның максаты: икътисадның һәм дәүләт идарәсенең төп тармакларында инновацияләрне бергәләп булдыру һәм масштаблаштыру өчен, Россия һәм чит ил партнерларын тоташтыра торган ышанычлы цифрлы технологияләрнең тотрыклы экосистемасын үстерү.
Катнашуга хакимият, бизнес, фән һәм мәгариф вәкилләре, шулай ук цифрлы технологияләрне эшләүчеләр һәм кулланучылар чакырыла. Теркәлү 20 октябрьгә кадәр ачык, фәнни материалларны бастырып чыгару шартлары һәм тулырак мәгълүмат kazandigitalweek.com рәсми сайтында . Эшлекле программа ун тематик юнәлешне үз эченә ала: интеллектуаль мобильлек системаларыннан, цифрлы Индустрия 4.0, дәүләт идарәсе һәм финтехтан алып киберкуркынычсызлыкка, сәламәтлек саклауга, авыл хуҗалыгына, мәгарифкә һәм мәдәнияткә кадәр. Форум алдыннан вебинарлар сериясе һәм хакатоннар марафоны (kazandigitallegends.com) уза, ә йомгаклар буенча, антиплагиатка тикшереп һәм аноним рецензияләп, фәнни мәкаләләр җыентыгы басылып чыгачак (1 сентябрьгә кадәр кабул ителә). Форум кысаларында шулай ук күргәзмә, «ИТ Лидер» премиясенә конкурс, стартапларны сайлап алу һәм вакансияләр ярминкәсе булачак.