Туган йорт кайгыртуы: ТР Биоресурслар буенча дәүләт комитеты хезмәткәрләре Әгерҗе районы сугышчысына гуманитар ярдәм тапшырды
ТР Биоресурслар буенча дәүләт комитеты хезмәткәрләре кыска вакытлы ялга кайткан сугышчы белән очраштылар һәм аңа гуманитар ярдәм тапшырдылар. Аның составына хатын-кызлар куллары белән үрелгән маскировка челтәрләре, дару үләннәреннән чәй, шулай ук җылы әйберләр һәм тәм-томнар кергән.
Сугышчы сугышчан көннәр турында сөйләде һәм сугышчыларга һәрьяклап ярдәм күрсәткән район халкына олы рәхмәтен белдерде. Сугышчыларга мондый адреслы ярдәм ТР Биоресурслар буенча дәүләт комитеты хезмәткәрләре тарафыннан системалы рәвештә оештырыла. Һәр тапшырылган әйбер – ул предмет кына түгел, ә кайгырту һәм игътибар билгесе. Егетләр бу ярдәмне тоя һәм ул алар өчен экипировка кебек үк мөһим, диләр. Хезмәткәрләр Сергей һәм аның хезмәттәшләренә уңышлар, хәрби бурычларны уңышлы үтәүләрен һәм тиздән өйләренә кайтырга язган булуны теләделәр.