ЯҢАЛЫКЛАР

Татарстан Республикасының Биологик ресурслар буенча дәүләт комитеты хәбәр итә: кошларга язгы ау чоры вакыты  2018 елның 23 апреленнән алып 7 маена кадәр,  ачык аучылык  җир-суларына рөхсәтнамәләрне бирү 2018 елның 16 апреленнән башланачак. Гаризаларны кабул итү Татарстан Республикасының  дәүләт хезмәтләр порталы аша, ә шулай ук  түбәндәге график буенча, рөхсәтнамәләр бирү пунктларында  алып барылачак.

2018 елда Татарстан  Республикасының  ачык аучылык җир-суларында аучылык байлыкларын тотуга  рөхсәтнамәләр бирү пунктлары

Татарстан Республикасының Биологик ресурслар буенча дәүләт комитеты хәбәр итә: кошларга язгы ау чоры вакыты  2018 елның 23 апреленнән алып 7 маена кадәр,  ачык аучылык  җир-суларына рөхсәтнамәләрне бирү 2018 елның 16 апреленнән башланачак. Гаризаларны кабул итү Татарстан Республикасының  дәүләт хезмәтләр порталы аша, ә шулай ук  түбәндәге график буенча, рөхсәтнамәләр бирү пунктларында  алып барылачак.

2018 елда Татарстан  Республикасының  ачык аучылык җир-суларында аучылык байлыкларын тотуга  рөхсәтнамәләр бирү пунктлары

         Хөрмәтле гражданнар, Татарстан Республикасының “Халык тикшерүе” дәүләт мәгълүмати системасында “Су биологик ресурсларын хокуксыз тоту (табу)” категориясе барлыгы турында,  Сезнең исегезгә төшерәбез.

Тоту коралларын (ятьмәләр, кысла тоткычлары һ.б.) хокуксыз  куллануны ачыклаган очракта, Сез ТР Дәүләт хезмәтләре порталы аша (https://uslugi.tatarstan.ru/open-gov/),  ачыкланган  бозу турында хәбәр  бирә аласыз.

Вәкаләтле вазыйфаи затлар,  үзләренең вәкаләтләре чикләрендә, хәбәрдә булган бозулар буенча  тикшерү уздырачаклар.

          Татарстан Республикасының Биологик ресурслар буенча дәүләт комитеты хәбәр итә: март аенда татарстан Республикасының Биектау муниципаль районында “Трофей” исемле аучылык хуҗалыгы оештырылды.

Бу аучылык хуҗалыгы буенча кирәкле мәгълүматны, Татарстан Республикасының “Трофей” исемле региональ иҗтимагый оешма сайтында http://www.trofeyrt.ru адресы буенча   алырга була.

Хөрмәтле аучылар, 09.01.2014 елдан  4 номерлы “Сәнәгый аучылык инспекторы кандидатына куела торган таләпләрне  белүне тикшерүне уздыру Тәртибен раслау турында”гы  РФ Экология һәм табигый байлыклар министрлыгының  Боерыгы белән тәңгәл килеп, сәнәгый аучылык инспекторы вазифасына кандидатлар исемлеген формалаштыру турында сезгә хәбәр итәбез. Белемнәрне тикшерү  2018 елның 13 июнендә Татарстан Республикасының Биологик ресурслар буенча дәүләт комитеты бинасында узачак. Документларны бирү һәм кабул итү тәртибе өстә күрсәтелгән боерыкның 15 һәм 16 пунктлары белән туры килеп үтәлә.

Документларны кабул итү вакыты: -2018 елның 24 апреленнән башлана; -2018 елның  4  июнендә тәмамлана.

Барлык документлар да Комитетка турыдан- туры юридик затның вәкаләтле вәкиле белән, шәхси эшмәкәр яки аның вәкиле белән, яки салынган документларның исемлеген язып почта аша 420088, Казан, Кәрим Тинчурин ур., 29 адресына юнәлтү юлы белән тапшырылырга тиеш. Мәгълүматларның яңаруын Комитетның сайтында “Дәүләт тикшерүе (күзәтүе)” бүлегендә “Сәнәгый аучылык тикшерүе” өстәмә битендә карагыз.

Татарстан Республикасының Биологик ресурслар буенча дәүләт комитеты күп тапкыр боз асты балык тотуны яратучыларны,  боз өстендә булганда, һәвефсезлек чараларын саклау турында  кисәтте. Һәм яңадан фаҗига. Алексеевск районында Кама елгасы ярыннан ерак түгел, язгы балык тотуга киткән, Казан яшәүчесенең гәүдәсен таптылар. Әгәр  дә безнең һәрберебез, табигатькә карата сакчыл  һәм сак булырга кирәклеген аңламаса, көенечле статистика алга таба да дәвам итәчәк.

2018 елның 4 апрель көнендә, Татарстан Республикасының биологик ресурслар буенча дәүләт комитетында Иҗтимагый киңәшмә утырышы уздырылды. Киңәшмәнең көн тәртибендә  түбәндәге сораулар каралды:

1.      Федераль кануннар һәм алар белән тәңгәл килеп кабул ителә торган Россия Федерациясенең башка норматив хокукый актлары, Татарстан Республикасының кануннары һәм башка норматив хокукый актлары белән урнаштырылган, хайваннар, үсемлекләр дөньясы һәм аерым саклана торган табигый территорияләр өлкәсендә дәүләт күзәтчелеге өлкәсендә канунчылык таләпләрен бозуларның профилактика программасын тикшерү.

2. 2018 елның 1 августыннан 2019 елның 1 августына кадәрге чорга Татарстан Республикасы территориясендә  аучылык ресурсларын тоту лимитын тикшерү.

         Тәкдимнәр һәм норматив хокукый актларның проектлары  бертавыштан якланды.

Татарстан Республикасының  хөрмәтле балык тотучылары!

Россия Федерациясе Хөкүмәтенең 2018 елның 15 мартыннан 260 номерлы  Карары белән тәңгәл килеп, 2018 елның 1 апреленнән, 2019 елдан 2033 елга кадәрге чорга, су биоресурсларын табу (тоту) квоталарының өлешләрен беркетү турында килешүнамәне яңадан төзү буенча гариза бирү компаниясе башланды.

Гариза бирү вакыты 1 апрельдән 10 майга кадәр билгеләнде.

Документ белән сез ссылка http://ojm.tatarstan.ru/rus/file/pub/pub_1334762.pdf  буенча таныша аласыз.

Бу ялларда, Казан янында, аучылык биатлоны буенча, традицион регионара  ярышлар узды. Ярышлар Татарстанның һәм Марий Элның 14 командасы арасында булды. Сынаулар җитди иде: 10 см ким булмаган аучылык чаңгысында, җилкәгә мылтык аскан килеш һәм таякларсыз, тигезсез урыннардан  1 мең 300 метр узарга, ату чигендә  шомакөпшәле мылтыктан 50 метрдан өч ату белән, йөгерүче кабан силуэтына өч тапкыр тияргә кирәк иде.

ТР Биологик ресурслар буенча дәүләт комитеты командасы Спорт чарасының һичшиксез чемпионы булды. Аларны грамота һәм кубок белән бүләкләделәр. Команда капитаны шәхси зачетта  өченче мактаулы урын алды. Икенче урын ДБО “Хайваннар дөньясын саклау өлкәсендә яңа технологияләр кертү үзәге” спортсменнарына бирелде.

1 апрель – Халыкара кошлар көне

Кайбер дәүләт тыюлыкларында, Кошлар көненә багышланган чаралар узды:

"Чулпан"дәүләт тәбигый тыюлыгы – тыюлык белгечләре “Олы Ковали гомум белем бирү мәктәбе” белән берлектә, тыюлык территориясендә “Кошлар көне” исемле акция уздырдылар. Чара 3 этапта  уздырылды:1нче этап -“Карга боткасы”н пешерү өчен ярма җыю һәм сыерчык ояларын ясау, 2 нче этап – бәйрәм,сыерчык оялары бәйгесе, викториналар уздыру,  учакта “Карга боткасы”н пешерү, 3 нче этап – хезмәт,сыерчык ояларын элү.

"Зөя буйлары" дәүләт тәбигый тыюлыгы – "Зөя буйлары" дәүләт тәбигый тыюлыгы белгечләре, Буа шәһәренең "Батыр"  балалар бакчасы тәрбиячеләре һәм балаларның ата-аналары белән берлектә, сыерчык ояларын элү буенча акция уздырдылар. Буа шәһәре чикләрендә барлыгы 15 сыерчык оясы эленде.

 "Озын Алан" дәүләт тәбигый тыюлыгы –"Озын Алан" дәүләт тәбигый тыюлыгы хезмәткәре Похлёбкин Е.Н.  һәм Монастырь авыл җирлеге мәдәният хезмәткәрләре,  укучылар белән “ Күченүче кошлар” исемендәге экология дәресе уздырдылар. Балалар республиканың кошлары турында видеофильм карадылар,  ТР Кызыл китабына кертелгән сирәк кошлар турында табышмаклар чиштеләр. Балалар зур булмаган бүләкләр  белән бүләкләнделәр, тәмле үлән чәе эчтеләр. Балалар кошларга оялар ясап, аларны Һәләк булган солдатлар һәйкәле янында элеп куярга вәгъдә бирделәр.

РФ Экология һәм табигый ресурслар министрлыгының  2017 елның 12 декабреннән 661 номерлы “  Аучылык хуҗалыгы өлкәсендә эш төрләрен алып бару өчен урманнарны куллану кагыйдәләрен һәм урман бүлемтекләре бирелмичә аучылык хуҗалыгы өлкәсендә эш төрләрен алып бару өчен урманнарны куллану очраклары Исемлеген раслау турында”гы боерыгы Россия Федерациясенең Юстиция Министрлыгында теркәлде.

Аучылык хуҗалыгы өлкәсендә эш төрләрен алып бару өчен урманнарны куллану кагыйдәләре билгеләнде.

Кагыйдәләр,урман бүлемтекләре бирелеп яки бирелмичә аучылык хуҗалыгы килешүнамәсе нигезендә күрсәтелгән эшчәнлек өчен, урманнарны кулланучы хокукый затларга, шәхси эшмәкәрләргә тарала.

Дәүләт милкендә булган, урман бүлемтеген арендага алу килешүнамәсе, туры килүче килешүнамә вакытын арттырмый торган вакытка төзелә.

Урман бүлемтекләре бирелгән затларның хокуклары һәм бурычлары билгеләнде. Бүлемтекләр бирелмичә урманнарны куллану очраклары санап кителде.

Документлар белән Сез  киләсе ссылка буенча таныша аласыз. http://ojm.tatarstan.ru/rus/file/pub/pub_1326954.docx

Документ 03.04.2018 елны гамәлгә керә.