ЯҢАЛЫКЛАР

 Азнакай шәһәренең 15 нче «Алтын балык» балалар бакчасында үсеп килүче буынның экологик культурасын үстерүгә багышланган дәрес узды. Балаларга туган як экосистемасы өчен урманнарның әһәмияте, хайваннар һәм үсемлекләр дөньясы, Татарстанда биоресурсларны саклау һәм арттыру өчен үткәрелә торган чаралар турында сөйләделәр. Дәресне «Чатыр-Тау» ДТКТ хезмәткәрләре үткәрде, аларның сүзләренчә, мондый дәресләр кызыксынучанлыкны, табигать белән кызыксынуны арттыра һәм һөнәрне сайларга ярдәм итә. Балалар бакчасында тәрбияләнүчеләр урман хайваннары һәм кышлаучы кошлар турында, «Чатыр-Тау»тыюлыгы территориясендә нинди сирәк үсемлекләр һәм хайваннар очравы турында белделәр.  Белем бирү чарасы кысаларында балалар арасында «Туган як табигате»дигән иҗади рәсем конкурсы үткәрелде. Конкурста 5-6 яшьлек 40 бала катнашты. Иң яхшы эшләр өчен, Татарстан Республикасы Биологик ресурслар буенча дәүләт комитеты грамоталары тапшырылды.

Исегезгә төшерәбез: 2019 елның 1 нче декабренә кадәр барлык россиялеләргә дә узган ел өчен салым түләргә кирәк. Беренче чиратта сүз фатирларга һәм башка күчемсез милеккә, шулай ук автомобильләргә һәм башка транспорт чараларына түләнә торган салым турында бара.

Мамадыш районы яшәүчесенә законсыз балык тоту кыйммәткә төште. Ир-ат Татарстан Республикасының аеруча саклана торган табигый территорияләре дәүләт реестрына кертелгән, «Чиста болыннар» комплекслы профильле региональ әһәмияттәге дәүләт табигый тыюлык акваториясе чикләренә керә торган территориядә законсыз рәвештә биологик су ресурсларын тоткан. Ике ятьмә – тыелган массакүләм тоту коралы – урнаштырган, шуның белән «Балыкчылык һәм су биологик ресурсларын саклау турында» гы федераль законны, Идел-Каспий балык хуҗалыгы бассейнының балык тоту кагыйдәләрен бозды. Ятьмәгә корбан балыклары, шыртлакалар, аккүзләр, кызыл канатлар һәм башка балыклар эләккән иде. Мамадыш яшәүчесе  110 мең сумнан арткан  зур зыян китергән.

Җинаять эше барышында ул зыянны тулысынча каплаган һәм штраф түләгән. Аның  ярдәмендә законсыз балык тоту оештырылган моторлы көймә тартып алынган.

2019 елның 27 ноябреннән Татарстан Республикасы Биологик ресурслар буенча дәүләт комитеты Татарстан Республикасы Биологик ресурслар буенча дәүләт комитетының кадрлар резервына түбәндәге вазыйфалар буенча конкурс игълан итә:

- хайваннар һәм үсемлекләр дөньясы идарәсе башлыгы (төп төркем, “җитәкчеләр” категориясе);

- административ һәм суд практикасы бүлеге башлыгы (баш төркем, “җитәкчеләр” категориясе).

Чистай шәһәр суды Прость елгасында балык тотуны законсыз дип таныды. Суд карары белән хокук бозучылар су ресурсларына китерелгән зыянны капладылар, штраф түләделәр һәм көймәсез калдылар, ул  дәүләт файдасына тартып алынды. Закон бозу язын ук ачыкланган иде. 27 майда Чистайның ике кешесе, законсыз балык тоту максаты белән, Прость елгасында-уылдык чәчү урынында ятьмәләр куйды. Аеруча саклана торган табигый тыюлык территориясендә закон бозуларны оператив рәвештә ачыклау нәтиҗәсендә, аңа зур зыян китерелмәде. Суммасы 8 мең сумнан аз гына артып китте.

Биологик су ресурсларын законсыз табу өчен РФ ҖК 256 маддәсе буенча җинаять җәзасы каралган.

Татарстанның өч кешесенә браконьерлык өчен җинаять җаваплылыгы яный. Җаваплылыктан качарга өметләнеп, гражданнар төнлә аулаган. Алар 2 куян тоткан.

Татарстан Республикасы Биоресурслар буенча дәүләт комитетына, күчмә кошларның җирле сулыкта кышларга калулары турында борчылып, республика халкы мөрәҗәгать итә. Гражданнар су йөзүче кошларның киләчәк язмышы өчен борчылалар.

2019 елның 20 ноябреннән Татарстан Республикасы Биологик ресурслар буенча дәүләт комитеты буш вазыйфаны биләүгә, ә атап әйткәндә хайваннар һәм үсемлекләр дөньясы идарәсе хайваннар дөньясын мониторинглау бүлегенең әйдәп баручы консультанты (алып баручы төркем, «белгечләр» категориясе) вазыйфасына конкурс игълан итә.

Соңгы берничә көндә республика районнарында «Парклар маршы-2019» республика акциясе кысаларында узган плакатлар конкурсы призерларын бүләкләү булды.

Дәүләт тыюлыклары белгечләре җиңүчеләргә грамоталар, китаплар, канцелярия яки яшь химиклар һәм физиклар наборлары тапшырды.

Балаларга бу ел саен үткәрелә торган акциягә багышланган конкурс һәм чаралар ошады, һәм алар киләсе елда да катнашырлар дип ышанып калабыз.

Азнакай һәм Буа шәһәрләрендә һава торышы чагыштырмача җылы булуга карамастан, тыюлык белгечләре безнең якларда кышлаучы кошларны кайтыргу турында белем бирү чаралары үткәрделәр. Алар шулай ук «Песнәк көне» Бөтенроссия бәйрәменә дә багышланган иде.