Тиен өйдә яши: Түбән Кама районында тиеннәргә оялар ясадылар

2022 елның 27 июне, дүшәмбе

ТР Биоресурслар буенча дәүләт комитеты хезмәткәрләре Түбән Кама районының «СемьЯ» паркында тиеннәргә оялар урнаштырдылар.

«Корылмалар сикергәләп йөрүче кимерүчеләр өчен өй-җимлекләргә охшаган. Эчендә кечкенә генә козырек-чыгынты да бар. Ул тиенкәйләрне ерткыч кошлар һәм хайваннардан саклый. Оялар, тиеннәр аяклары белән тотына алсын өчен, табигый агачтан ясалган», – ди ТР Дәүләт комитетының Түбән Кама районы буенча районара бүлеге башлыгы Эдуард Иванов.

Аларда тиеннәр йокы урыннары гына түгел, азык саклау өчен кечкенә келәт тә оештырырга ярата.