Индустрия 4.0 Сәнәгатьтә Цифрлы технологияләр: Саннар дәресләрендә замана укучыларын нәрсәгә өйрәтәләр
ТР Биоресурслар буенча дәүләт комитеты рәисе урынбасары Рамил Шәрәфетдинов «Восток» балалар сәламәтләндерү лагеренда тәрбияләнүчеләр өчен «Саннар дәресе» үткәрде.
Дәрес кысаларында ул балаларга заманча цифрлы җитештерү төзелеше турында сөйләде. Укучылар җитештерүдә мәгълүмати технологияләрнең нинди роль уйнавын һәм предприятиеләрне цифрлы трансформацияләүнең нәрсә икәнлеген белделәр.
«Цифрлы җитештерү – продуктларның сыйфатын яхшыртырга мөмкинлек бирә торган яңа платформалар һәм карарлар кертү белән бәйле барлык нәрсә ул. Очрашу барышында мин балаларга инде булган мәгълүматлар нигезендә карарлар кабул итү күзлегеннән логистика чылбырларын ничек тоташтырырга һәм дөрес итеп төзергә кирәклеге турында сөйләдем», – диде ул.
Дәрес укучыларда зур кызыксыну уятты. Алар үзләренең сорауларына тулы җаваплар алдылар.
Шунысын да билгеләп үтәргә кирәк, хәзерге вакытта IT-белгечлекләргә укыту бик перспективалы һәм мөһим, чөнки тормышыбызның кайсы гына өлкәсенә кагылма, алар һәркайда кирәк. Ә «Саннар дәресләре» укучыларга һөнәр яки уку урыны сайларга ярдәм итү белән генә чикләнмичә, заманча компьютер тенденцияләрен һәм эшләнмәләрне дә аңларга булыша.