Ау чорына әзерлекнең кызган вакыты: Татарстанда һәркемгә керергә рөхсәт ителгән аучылык биләмәләрендә каурыйлы киекләр ауларга рөхсәт бирү дәвам итә
Ау сезоны алдыннан республиканың күп функцияле үзәкләре җәйге-көзге һәм көзге-кышкы ау чорына аучылык биләмәләрендә каурыйлы киекләрне (ау этләре һәм ау кошлары белән, шулай ук алардан башка) тотуга рөхсәт алу өчен гаризалар кабул итүне дәвам итә. Бүгенгә инде 2000 нән артык гариза бирелгән.
Рөхсәт алу өчен, ау күздә тотылган район булу-булмауга карамастан, республика территориясендә күп функцияле үзәкнең теләсә кайсы филиалына мөрәҗәгать итәргә мөмкин.
Рөхсәт бирү түбәндәге документлар нигезендә башкарылачак:
- рөхсәт алу өчен гариза;
- шәхесне раслаучы документ (паспортның төп нөсхәсе);
- аучылык билеты (төп нөсхә);
- рөхсәт биргән өчен дәүләт пошлинасын түләү турында квитанция (650 сум);
- хайваннар дөньясы объектларыннан файдаланган өчен җыем түләү турында квитанция (көртлек аулауга рөхсәт алган очракта).
Вәкил (ышанычлы зат) тарафыннан рөхсәт алу түбәндәге документлар булганда мөмкин:
- гади язма формада ышанычнамә (гариза бирүченең һәм ышанычлы затның паспорт мәгълүматларын (серия, номер, кем тарафыннан һәм кайчан бирелгән, яшәү урынын теркәү), кылган гамәлләрне күрсәтү);
- рөхсәт алу өчен гариза;
- ышанычлы затның шәхесен таныклаучы документ (паспортның төп нөсхәсе);
- гариза бирүченең шәхесен таныклаучы документ (паспорт күчермәсе);
- гариза бирүченең аучылык билеты яки аның күчермәсе;
- рөхсәт биргән өчен гариза бирүченең яки гариза бирүче исеменнән дәүләт пошлинасын түләү турында квитанциясе (650 сум);
- хайваннар дөньясы объектларыннан файдаланган өчен гариза бирүченең яки гариза бирүче исеменнән җыем түләү турында квитанциясе (көртлек аулауга рөхсәт алган очракта).
ИГЪТИБАР: КФҮ операторыннан гариза биргәндә, түләүләрне банк картасыннан файдаланып, булган рөхсәт факты буенча башкарырга киңәш ителә.
Ау вакыты:
А. Ау эте белән:
2022 елның 25 июленнән 5 декабренә кадәр – сазлык-болын киек кошларына.
2022 елның 5 августыннан 2023 елның 5 гыйнварына кадәр нарат урманында (суер, көртлек, боҗыр, тәлләтәвеч), дала һәм кыр киекләренә (соры көртлек, бытбылдык, күгәрчен һәм урман күгәрчене).
2022 елның 27 августыннан 5 декабренә кадәр – суда йөзүче киек кошларга (казлар, үрдәкләр, кашкалаклар).
Б. Ау этләреннән башка:
2022 елның 3 сентябреннән 5 декабренә кадәр – суда йөзүче, сазлык-болынлык, дала һәм кыр киек кошларына.
2022 елның 3 сентябреннән 2023 елның 5 гыйнварына кадәр –наратлык киекләренә.