Балаларга табигать турында: «Зөя буйлары» тыюлыгы хезмәткәрләре балаларга Кызыл Китапка кертелгән райондагы үсемлекләр һәм хайваннар турында сөйләделәр
Татарстан Республикасы Биоресурслар буенча дәүләт комитеты халыкның экологик культурасын һәм грамоталылыгын күтәрү буенча актив эш алып бара. Әлеге эш кысаларында ведомство белгечләре тарафыннан балалар бакчаларында тәрбияләнүчеләр һәм мәктәп укучылары арасында чаралар оештырыла.
Шуларның берсе Буа районының «Төремкәй» балалар бакчасында тәрбияләнүчеләр өчен узды. «Зөя буйлары» тыюлыгы хезмәткәрләре үсеп килүче буынны районның әйләнә-тирә дөньясы һәм тыюлык эше белән таныштырдылар. Алар Кызыл Китапка кертелгән үсемлекләр һәм хайваннар турында сөйләделәр. Балалар барысы да игътибар белән тыңладылар, актив рәвештә сораулар бирделәр.
Чара ахырында тыюлык хезмәткәрләре район территориясендә очратырга мөмкин булган кошларны, хайваннарны һәм үсемлекләрне белүгә викторина үткәрделәр.