Браконьерлар белән көрәшү өчен егерьларның вәкаләтләре барлыкка киләчәк

2013елның 3 июлендә Дәүләт думасы өченче укуда , Табигать Министрлыгы белән эшкәртелгән, “Ау һәм аучылык байлыкларын саклау турында һәм РФ аерым канун төзүче гамәлләренә үзгәрешләр кертү турындагы” Федераль канунга үзгәрешләр кертү турында” канун проектын кабул итте. Бу канун проектын кабул итү, Россиядә бөтен аучылык тармагына реформа үткәрүгә юл куя. Россия Федерациясенең Табигый байлыклар һәм экология министры, Сергей Донской: “ Бу – ауга мөнәсәбәте булган, бөтен гражданнарга һәм оешмаларга билгеле вакыйга. Аучылык тармагын хокукый тәртипкә салу ачыграк була һәм безнең илнең табигать саклау сәясәтенең стратегик мәсьәләләренә туры килә башлый. Ауны кулланучыларның вәкаләтләрен киңәйтү браконьерлык очракларын киметергә булышыр, хайваннар дөньясын саклауны яхшыртыр, һәм, шуның белән, Россиядә кыргый хайваннарның санын үстерүгә, биологик төрлелекне арттырырга булышыр”. Бу этапта тәкъдим ителгән төзәтүләрнең мәгънәсе, аучылык хуҗалыклары егерьларының, аучылык байлыкларын саклауны көчәйтү өчен, вәкаләтләрен киңәйтүдә чагыла. Инде ун елдан артык егерьлар браконьерларга каршы торырга хокуксыз иделәр. Ахыргы төзәтүләрне кабул иткәннән соң, егерьларның гамәл төзергә мөмкинлекләре барлыкка килә. Гамәл нигезендә дәүләт аучылык инспекторы административ хокук бозулар турында беркетмә төзи ала. Ә шулай ук, ау таләпләрен бозуга күрсәтүче объектив мәгълүмәтлар булса, әйберләрне һәм транспорт чараларын ( тулылыгын бозмыйча һәм ачмыйча) карый ала. Россия парламентының Өске палатасы “Ау һәм аучылык байлыкларын саклау турында һәм РФ аерым канун төзүче гамәлләренә үзгәрешләр кертү турындагы” Федераль канунга үзгәрешләр кертү турында” канун проектын июль ахырына кадәр карап бетерер диеп планлаштырыла. Бастырып чыгарылды: 2013 елның 4 июлендә (11:45) Чыганак: Россия Табигать Министрлыгының вакытлы матбугат хезмәте