Татарстан Республикасының Кызыл китабы гөмбәләрнең һәм бөҗәкләрнең яңа төрләре белән тулыланачак
ТР Биоресурслар буенча дәүләт комитетында Татарстан Республикасының Кызыл китабына кертелгән сирәк һәм юкка чыгу куркынычы астында булган хайваннар, үсемлекләр һәм гөмбәләр төрләре буенча даими комиссия утырышы булды.
Очрашуны ТР Биологик ресурслар буенча дәүләт комитеты рәисе урынбасары Рамил Шәрәфетдинов ачты. Ул республика территориясендә Кызыл китапка кертелгән төрләрне мониторинглау буенча эш нәтиҗәләре турында сөйләде.
Чарада Казан (Идел буе) Федераль университетының Экология һәм табигатьтән файдалану институтының гомуми экология кафедрасы доценты Галия Шәйхетдинова, Казан (Идел буе) Федераль университетының Экология һәм табигатьтән файдалану институтының гомуми экология кафедрасы өлкән укытучысы Ким Потапов һәм Татарстан Фәннәр Академиясенең Экология һәм җир асты байлыкларыннан файдалану проблемалары институтының биомониторинг лабораториясенең кече фәнни хезмәткәре Дмитрий Вавилов һәм башка фән вәкилләре катнашты.
Югары Ослан, Кайбыч, Кама Тамагы, Лаеш, Яшел Үзән (өлешчә Идел алды территориясе) территориясендә хайваннарның, үсемлекләрнең һәм гөмбәләрнең төрлелеген ачыклау буенча фәнни тикшеренү эшенең нәтиҗәләре турында Галия Шәйхетдинова сөйләде.
«2022 елда, үткәрелгән фәнни эшне исәпкә алып, республиканың Идел буе территориясе тулысынча тикшерелде», – диде ул.
Алга таба җимешлекле рогатик, шәмәхә паутинник, бөдрә грифола, зонтиклы полипорус, бөдрә спарассис кебек гөмбәләрнең саклана торган төрләре статусы үзгәрү турында Ким Потапов сөйләде.
Үз чыгышы барышында ул шулай ук сирәк очрый торган төрләргә боровик придаточковый, таныла торган паутинник, ачык зәңгәр паутинник, паутинник превосходный, зәңгәр пластиналы хромозера, сазлык майлы гөмбәсе, сөтлегән, өч төстәге ак дуңгыз гөмбәсе, рядовковидный ялган дуңгыз гөмбәсе, сары-яшел флоккулярия, түгәрәк споралы строчевикны кертергә кирәклеге турында сөйләде.
Утырыш саклана торган төрләр – III категория – «сирәк төр» исемлегенә яр буе скакунын, урман-дала бызылдавыгын, кызгылт-көрән бызылдавыкны кертү һәм 2023 елда Татарстан Республикасының Кызыл китабын тутыру буенча бурычлар турында фикер алышу белән тәмамланды.