Теләкләр чыршысы балаларның хыялын тормышка ашыра

2022 елның 21 декабре, чәршәмбе

Татарстан Республикасы Биологик ресурслар буенча дәүләт комитеты рәисе Федор Батков «Теләкләр чыршысы» дип аталган федераль ирекле акциядә катнашты. Ул чыршыдан Лениногорск районының Тимәш авылыннан 3 яшьлек Максимның открыткасын алды. Бу бала тимер юл турында хыяллана.

Ирекле акция Татарстанда Яңа елга кадәр дәвам итәчәк. Анда шулай ук онлайн – проект сайты – елкажеланий.рф аша катнашырга һәм кемне дә булса тагын да бәхетле итәргә мөмкин. Катнашуның мәҗбүри шарты: теләк 2023 елның феврале ахырына кадәр үтәлергә тиеш. Гаризаларны каты авырулы балалар һәм өлкәннәр, ятим балалар, шулай ук аз керемле гаиләләрдәге балалар калдырырга мөмкин.