Поши операциясе: Урыссуда гараж түбәләрендә йөрүче тояклы хайванны коткарганнар

2023 елның 3 мае, чәршәмбе

ТР Биоресурслар буенча дәүләт комитетының Бөгелмә районы буенча районара бүлеге башлыгы, баш ветеринария табибы һәм район гадәттән тыш хәлләр министрлыгы хезмәткәрләре өчен әлеге иртә тынгысыз булып чыга.

Шул җирлектә яшәүче хәбәр иткәнчә, балалар бакчасы янындагы гараж комплексында, ике түбә арасында йөргәндә, болан егылып төшкән.

«Башта без аны тынычландырдык, ә аннары бәладән коткаруны башладык. Шуннан соң ветеринария табибы яраларын эшкәртте. Ул ятып торган вакытта, без аңа чишмәдән су эчердек», – дип искә ала Тимур Гыйниятуллин.

Мөстәкыйль рәвештә хайван табигый тирәлеккә китә алмый. Аны Иске Урыссу һәм Кече Урыссу авыллары арасындагы урман массивына чыгаралар. Хәзер аның сәламәтлегенә берни дә янамый.