ТР Биоресурслар буенча дәүләт комитеты 2023 елгы жирәбә буенча нәтиҗәләр турында хәбәр итә

ТР Биоресурслар буенча дәүләт комитетында гомуми кулланышта булган аучылык биләмәләрендә аулаучы физик затлар арасында кыргый тояклы хайваннарны һәм бурсыкларны аулау хокукына рөхсәтләрне очраклы рәвештә сайлап алу (жирәбә салу) юлы белән бүлү уздырылды. Жирәбәдә катнашу өчен барлыгы 13354 гариза бирелгән, бу узган ел белән чагыштырганда 73 % ка күбрәк. Беренче тапкыр жирәбә салу дәүләт комитетының мәгълүмат системасында очраклы саннар генераторы сервисы белән системаара үзара бәйләнештә электрон рәвештә үткәрелде. Чара онлайн форматта трансляцияләнде. Мониторинг күзәтүләре кысаларында трансляциядә катнашучылар саны 2 300 кеше тәшкил иткәнлеге ачыкланды. Җиңүчеләр исемлеге белән сылтама буенча танышырга мөмкин.

Җиңүчеләргә дәүләт комитетына, жирәбә салу нәтиҗәләре турында мәгълүмат урнаштырылганнан соң, 10 эш көне эчендә аучылык ресурсларын аулауга рөхсәт алу турында гариза белән мөрәҗәгать итәргә кирәк. Рөхсәт алу хокукы җиңүче тарафыннан күрсәтелгән вакытта гамәлгә ашырылмаган очракта, ул резервка эләккән кешеләргә чират тәртибендә бирелә.

Рөхсәт алу өчен түбәндәге документлар кирәк:

- рөхсәт алу өчен гариза;

- ау билеты (төп нөсхә);

- рөхсәт биргән өчен дәүләт пошлинасы түләү турында квитанция (төп нөсхә);

- хайваннар дөньясы объектларыннан файдаланган өчен салым түләү турында квитанция (төп нөсхә).

Җыю ставкалары:

- өлкән болан - 1500 сум;

- бер яшькә кадәрге  болан - 750 сум;

- өлкән кабан-450 сум;

- бер яшькә кадәрге кабан - 225 сум;

- өлкән кыр кәҗәсе – 450 сум;

-бер яшькә кадәрге кыр кәҗәсе - 225 сум;

- бурсык - 60 сум.

Гариза һәм түләү квитанцияләрен сылтама буенча кереп, йөкләп алырга мөмкин.