Бөгелмә районында Африка дуңгыз чумасына каршы тору алгоритмы эшләнде
Бөгелмә районында йогышлы авыруларны профилактикалау буенча район команда-штаб өйрәнүләре узды. Чир учакгын бетерүгә кирәкле диагностика, шулай ук кыр шартларында юк итү чараларын үткәрергә мөмкинлек бирә торган заманча җиһазлар белән җиһазландырылган җаваплы хезмәтләр җәлеп ителде.
Сценарий буенча районның ветеринария берләшмәсенә районның шәхси йортларының берсендә дуңгызларның күпләп үлүе турында хәбәр килде. Урынга мал табиблары китте. Алар хайваннарны тикшерделәр, авыруның чыганакларын һәм факторларын, шулай ук чир учагы чикләрен билгеләделәр. Лаборатория тикшеренүләре нәтиҗәләре буенча африка дуңгыз чумасы диагнозы расланды.
.jpg)
Белгечләр пробалар алу, биналарны эшкәртү, автотранспорт, түшкәләрне яндыру һәм күмү буенча гамәлләр башкардылар. Моннан тыш, алар эпизоотик учакның барлыкка килүен кисәтү, таралуына юл куймау һәм бетерү буенча чаралар планлаштырдылар.
Команда-штаб өйрәнүләре барлык хезмәтләрнең инфекция барлыкка килгән очракта аның таралуын, локальләштерү һәм юкка чыгарылуын кисәтү буенча чаралар комплексын кичекмәстән үтәргә әзерлеген раслады.