Ябалак «Хогвартс»ка очканда «Адымнар»га эләгә: Мәктәп укучылары ТР Биоресурслар буенча дәүләт комитеты хезмәткәрләренә Кызыл китапка кертелгән ябалакны коткаруны сорап мөрәҗәгать итәләр

Бүген «Адымнар» полилингваль комплексы территориясенә уку процессын бозган гадәти булмаган кунак очып килә. Укучылар дәфтәрләрен һәм дәреслекләрен онытып, моңа кадәр бу тирәләрдә күренмәгән кошны карарга җыелалар. Зур соры ябалак, канатлары белән буталып, аяклары белән мәктәпнең коймасына эләгеп кала. Урынга оператив рәвештә ТР Биоресурслар буенча дәүләт комитеты хезмәткәрләре чыкты һәм кошны «тоткын»нан коткарды. Тикшерү вакытында ул үзен тыныч тотты, ләкин бераз курыккан иде. Бәхеткә, ул җәрәхәтләнмәгән һәм сәламәт. Якын арада кош Яшел Үзән районының «Хайваннар дөньясын саклау өлкәсендә инновацион технологияләр кертү үзәге» ДБУ реабилитация үзәгенә алгаи таба белгечләр күзәтүе астына җибәреләчәк.