ТР Биоресурслар буенча дәүләт комитетының хезмәт тәртибенә таләпләрне үтәү комиссиясе утырышында ришвәтчелеккә каршы законнарны үтәү мәсьәләләре каралды
ТР Биоресурслар буенча дәүләт комитетында дәүләт граждан хезмәткәрләренең хезмәт тәртибе таләпләрен үтәү һәм мәнфәгатьләр каршылыгын җайга салу буенча комиссия утырышы узды.
Утырыш барышында дәүләт граждан хезмәткәренең хатынына карата керемнәр, чыгымнар, мөлкәт һәм мөлкәти характердагы йөкләмәләре турында объектив сәбәпләр аркасында белешмәләр бирә алмау турындагы гаризасы һәм ТР биоресурслар буенча Дәүләт комитетында элек дәүләт хезмәте вазыйфасын биләгән гражданнарның учреждениеләрдә һәм оешмаларда вазыйфа биләве турында 4 хәбәрнамә каралды. Утырыш йомгаклары буенча район (районара) бүлеге башлыгы тарафыннан хатынының керемнәре турында белешмәләр бирмәүнең сәбәбе объектив һәм нигезле булуын, шулай ук башка оешмаларга эшкә урнашканда, дәүләт хезмәте вазыйфаларын биләгән гражданнар «Коррупциягә каршы тору турында» Федераль законның 12 статьясы таләпләрен бозмаган һәм законның 12 статьясындагы 3 өлешен куллану өчен нигезләр булмавын тану турында карар кабул ителде.