Экологик белемнәрне арттырабыз: ТР Биоресурслар буенча дәүләт комитеты хезмәткәрләре үсентеләр үстерү кагыйдәләре турында сөйләделәр
ТР Биоресурслар буенча дәүләт комитеты хезмәткәрләре Казанның 3 нче гимназиясенең башлангыч сыйныф укучылары өчен үсентеләр утырту буенча мастер-класс үткәрделәр. Алар төрле үсемлекләрне утырту сроклары һәм кагыйдәләре турында сөйләделәр.
Мондый мавыктыргыч дәресләр үсеп килүче буында экологик аң, әйләнә-тирә мохиткә җаваплылык нигезләрен тәрбияли һәм коллективта эшли белүне формалаштыра. Ә иң мөһиме, алар, үзләренең «витамин җыелмаларының» ничек үсүен күзәтеп, табигать турында кайгыртуда бәяләп бетергесез тәҗрибә алалар, җаваплылыкка һәм хезмәт сөючәнлеккә өйрәнәләр.
Элек алар өлкәннәрнең моны ничек эшләвен күзәтеп кенә торсалар, ә хәзер үзләре эшли беләләр һәм, бәлки, әти-әниләренә дачаларда ярдәм итәрләр. Чара ахырында гимназистлар алган белемнәрен «Табигатьне бергә саклыйк!» дигән викторинада катнашып ныгыттылар.