ТР Биоресурслар буенча дәүләт комитеты хезмәткәрләре Биектау, Лаеш һәм Спас районнарында «Хәтер бакчалары» утырттылар

2025 елның 26 апреле, шимбә

ТР Биоресурслар буенча дәүләт комитеты хезмәткәрләре алты ел дәвамында «Хәтер бакчасы» халыкара акциясендә катнаша. Бүген алар Биектау, Лаеш һәм Спас районнарында нарат һәм чыршы үсентеләре утырттылар.

«Хәтер бакчасы» акциясендә катнашу – безнең яшелләндерүгә һәм табигатьне саклауга керткән өлешебез генә түгел, Бөек Ватан сугышы елларында һәлак булганнарны искә алу һәм ихтирам итү дә», – ди «Чулпан» тыюлыгы башлыгы Дамир Фатихов.

Исегезгә төшерәбез: «Хәтер бакчасы» халыкара акциясенә теләгән һәркем кушыла ала. Сайтның интерактив картасында үз төбәгеңне сайларга, уңайлы урында теркәлергә һәм гомуми эшкә үз өлешеңне кертергә мөмкин.