Һәрвакыт истә тотарбыз: ТР Биоресурслар буенча дәүләт комитеты хезмәткәрләре Бөек Ватан сугышы ветеранын Җиңүнең 80 еллыгы белән котладылар
Бөек Ватан сугышында Җиңүнең 80 еллыгын бәйрәм итү алдыннан ТР Биоресурслар буенча дәүләт комитеты хезмәткәрләре элеккеге хезмәттәшләре, «сугыш баласы» Григорий Морозов янына бардылар. Очрашу бик рәхәт һәм җылы шартларда узды. Ветеран күрсәткән игътибарлары өчен рәхмәт белдерде һәм сугыш елларындагы балачак һәм яшьлек истәлекләре, ул вакытта тармакта барган үзгәрешләр белән уртаклашты.
Ул чорларда ведомство Аучылык кәсебе буенча дәүләт инспекциясеннән (1940 – 1944 еллар) ТАССР Халык комиссариаты каршындагы Аучылык хуҗалыгы эшләре идарәсенә (1944 – 1953 еллар) кадәр күп кенә үзгәртеп корулар аша уза. Аучылык хуҗалыгы өлкәсендә эшләүче иң яхшы белгечләр фронтка җибәрелә. Аларның табигатьне аңлаулары һәм аның белән аралаша белүләре, ату коралын куллану тәҗрибәләре сугыш кырларында бәяләп бетергесез була. Алар барысы да Бөек Җиңүгә ирешүгә бәһасез өлеш кертәләр. Аларның күбесе, фронтта да, тылда да, Ватан азатлыгын саклап, үзләрен чын герой итеп таныталар. Алар арасында Дәүләт аучылык инспекциясе җитәкчеләре Константин Николаевич Сафонов, Борис Гаврилович Якин, Гавриил Кириллович Райков та бар.
Хезмәткәрләр Григорий Ивановичка кызыклы әңгәмә өчен рәхмәт белдерделәр, аны якынлашып килүче бәйрәм белән котладылар, ныклы сәламәтлек, күңел күтәренкелеге һәм озын гомер теләделәр.