Татарстанда табигатьне саклау прокуроры катнашы белән предприятие су биологик ресурсларына һәм аларның яшәү тирәлегенә китерелгән зыянны компенсацияләү максатыннан су биологик ресурсларын ясалма рәвештә торгызу турында килешү төзегән.
Казан районара табигатьне саклау прокуратурасы су биологик ресурсларын саклау турындагы законнарның үтәлешен тикшергән.
Куйбышев сусаклагычы акваториясендә җир асты байлыкларын чыгару буенча эшчәнлек алып баручы оешма тарафыннан, рөхсәт документларын бозып, су объектына 36 мең берәмлектән артык чөгә һәм сазан чыгару рәвешендә балык җибәрү буенча эшләр башкарылмавы ачыкланган.
Закон бозуларны бетерү максатларында табигатьне саклау прокуроры предприятие җитәкчесенә күрсәтмә керткән.
Прокурор йогынтысы актын карау нәтиҗәләре буенча вазыйфаи зат дисциплинар җаваплылыкка тартылган, башкарылган эшләр нәтиҗәсендә су биологик ресурсларына һәм аларның яшәү тирәлегенә китерелгән зыянны компенсацияләү максатларында предприятие тарафыннан су биологик ресурсларын ясалма рәвештә торгызу турында шартнамәләр төзелгән.