Теориядән практикага: ТР Биоресурслар буенча дәүләт комитетының 12 хезмәткәре дипломлы аучылык белгечләре булды
ТР Биоресурслар буенча дәүләт комитеты хезмәткәрләре Нократ дәүләт агротехнология университеты базасында «Аучылык белеме» яңадан һөнәри әзерлек программасы буенча укуларын уңышлы тәмамладылар.
Белем бирүнең интенсив курсы теоретик әзерлекне дә, тәҗрибәле укытучылар җитәкчелегендә практик дәресләрне дә үз эченә алган иде. Хезмәткәрләр тулы курс лекцияләре генә тыңлап калмадылар, практик дәресләрдә дә актив катнаштылар, бу аларга аучылык өлкәсендә киң кырлы белем алырга мөмкинлек бирде.
Уку йомгаклары буенча 12 белгеч биолог-аучылык белгече дипломы алды. Яңадан әзерләү программасы хезмәткәрләргә һөнәри эшчәнлеккә гадәти караш кысаларыннан чыгарга, үсешнең яңа перспективаларын ачарга һәм үз эшләрендә инновацион чишелешләр эзләргә мөмкинлек бирде.
Исегезгә төшерәбез: хезмәткәрләрне яңадан һөнәри әзерләү 2012 елдан Татарстан Республикасы Рәисе Рөстәм Миңнеханов ярдәме белән гамәлгә ашырыла. Бу уку елында тагын алты инспектор укырга керешәчәк, бу биоресурслар өлкәсендә белгечләрнең үз квалификациясен күтәрүгә даими омтылуын күрсәтә.