"Песнәк көне”: кышлаучы кошларга ничек ярдәм итәргә һәм ничек экологик акциягә кушылырга
Бүген Россиядә Песнәк көне билгеләп үтелә - "Кышын кошларны ашатыгыз!” Бөтенроссия экологик акциясе башалнып китә. ТР Биоресурслар буенча дәүләт комитеты хезмәткәрләре балалар белән бергә бәйрәм флешмобы үткәрделәр: мәктәпләрдә һәм балалар бакчаларында кошлар рәсеме ясадылар, кул эшләре әзерләделәр, җимлекләр элеп куйдылар. Татарстан халкын акциягә кушылырга һәм кышлаучы кошларга — песнәкләргә, чыпчыкларга, кызылтүшләргә, урман чыпчыкларына һәм башка канатлыларга ярдәм итәргә чакырабыз., дуңгызчыларга һәм башка канатлыларга ярдәм итәргә чакырабыз.
Өстәмә тукландыру өчен тозсыз һәм кыздырылмаган көнбагыш орлыклары (үсемлек майларына бай универсаль азык), тары, солы, бодай, арпа һәм арпа ярмасы (чыпчык, купшы чыпчык һәм кызылтүшләр өчен), тозсыз май (песнәк, үрмәләч һәм тукран өчен), киптерелгән миләш һәм балан (кызылтүш һәм урман чыпчыгы өчен), шулай ук тозсыз чи чикләвек (күкшә һәм тукран өчен) ярый. Шуны истә тотарга кирәк: кошларга тозлы орлыклар, киптерелгән азыклар, кыздырылган һәм ысланган ризыклар, икмәк-күмәч әйберләре (бигрәк тә яңа пешкәннәре) һәм тары бирергә ярамый.