Юлдагы могҗиза: Әлки районында автомобиль тәгәрмәчләре астына эләккән ике яшьлек кыр кәҗәсе тәкәсен коткарганнар
Чираттагы тапкыр кешеләрнең игелеге һәм оперативлыгы кыргый хайванны коткарырга ярдәм итә. Һәлакәт турында битараф булмаган граждан хәбәр итә. Ул Алексеевск – Высокий Колокол автомобиль трассасында Карга авылыннан ерак түгел кыр кәҗәсе ятуы турында сөйли. Мөгаен, хайван, юл аша йөгереп чыкканда, автомобиль тәгәрмәчләре астына эләккәндер.
Татарстан Республикасы Биоресурслар буенча дәүләт комитеты хезмәткәрләре тиз арада килеп җитә. Тикшерүдән соң белгечләр кыр кәҗәсенең тормышына һәм сәламәтлегенә берни дә янамавын ачыклыйлар. Хәзер коткарылган кыр кәҗәсе «Хузангай» ҖЧҖ белгечләре күзәтүе астында. Аны тернәкләндерү өчен барлык кирәкле шартлар тудырылган. Кыр кәҗәсе мөмкин кадәр тизрәк тернәкләнер һәм табигый яшәү тирәлегенә кайту өчен көч җыяр, дип өметләнәбез.