ЯҢАЛЫКЛАР

Бүген ТР Биоресурслар буенча дәүләт комитетында ТР Биоресурслар буенча дәүләт комитеты рәисе Федор Батковның Балыкчылык буенча Федераль агентлыкның Идел-Кама территориаль идарәсе җитәкчесе Вадим Ткачев белән эшлекле очрашуы узды.

Җиңү көне алдыннан ТР Биоресурслар буенча дәүләт комитеты хезмәткәрләре, Бөек Җиңүгә бәяләп бетергесез өлеш керткәннәрне искә алып, хезмәттәш ветераннарга бардылар.

Бөек Ватан сугышы көрәшчеләренә куелган һәйкәлләрне төзекләндерү – сугыш кичкән буынга хөрмәт; яшь буын әби-бабалары истәлеген хөрмәт итсен өчен, тарихи хәтерне саклау. Җиңүнең 79 еллыгы алдыннан Кичке Таң заказнигы хезмәткәрләре һәм Кичкетаң урта гомуми белем бирү мәктәбенең «ЭкОС» түгәрәге әгъзалары Ватан өчен сугышта һәлак булганнарга обелиск янында тәртип урнаштырдылар.

Республикада «Балык – Булсын! (Рыбе – Быть!)» табигатьне саклау чаралары комплексы башланып китте. Акция кысаларында ТР Биоресурслар буенча дәүләт комитеты хезмәткәрләре су биологик ресурслары популяциясен арттыру өчен ясалма уылдык оялары урнаштыралар.

Татарстан Республикасы Биоресурслар буенча Дәүләт комитетының Тукай районы белгечләре сазлы ташбакасын табигый мохиткә җибәрделәр. Аны Чаллы-Түбән Кама автомобиль юлында битараф булмаган автомобильчеләр тапкан.

Татарстан Республикасы Биоресурслар буенча дәүләт комитетында әйдәп баручы вазыйфалар («җитәкчеләр» категориясе) төркеменә кадрлар резервына бәйге игълан ителә. Хайваннар, үсемлекләр дөньясы һәм аеруча саклана торган табигать территорияләре өлкәсендә дәүләт күзәтчелеге буенча район (районара) бүлегенә кандидатлар карала (Лениногорск районы).

Бөгелмә районының гомуми кулланышта булган аучылык биләмәләре территориясендә суерларның парлашу уенын күреп алалар. ТР Биоресурслар буенча дәүләт комитетының Бөгелмә һәм Ютазы районнарындагы районара бүлеге башлыгы Тимур Гыйниятуллин үзенчәлекле тавышлар чыгаручы кош силуэтын видеога төшерә.

Лаеш районының Зеленый Бор дача поселогы тирәсендә «Идел киңлекләре» заказнигы хезмәткәрләре тарафыннан «Уылдык» операциясе кысаларында су биологик ресурсларын законсыз тоту кораллары белән тоткан граждан тоткарланды.

1 майда Россиядә Яз һәм Хезмәт бәйрәме билгеләп үтелә. Гадәт буенча бу көнне һәр җирдә өмәләр үткәрелә. Бүген дә бәйрәм алдыннан һәм санитар-экологик икеайлык, шулай ук «Татарстанның чиста урманнары» табигатьне саклау акциясе кысаларында «Кичке Таң» заказнигы хезмәткәрләре Әгерҗе районының Барҗы-Омга авылы халкы белән берлектә «Салихҗан чишмәсе» янында өмә үткәрделәр. Алар, чүп-чардан арындырып, тәмле һәм файдалы чишмә суы чыганагы янында тәртип урнаштырдылар.

«Уылдык» операциясе кысаларында ТР Биоресурслар буенча дәүләт комитеты хезмәткәрләре тарафыннан Лаеш районының Орел авылыннан 3 км төньяктарак Идел елгасында тыелган балык тоту кораллары белән су биологик ресурсларын тоткан граждан тоткарланган.