ЯҢАЛЫКЛАР

Бердәм  федераль үрнәктәге аучылык билетын алуга ( гамәлдән чыгаруга) гаризаны бирер өчен, https://gosuslugi.ru адресы буенча, Бердәм дәүләт һәм муниципаль хезмәтләр порталында теркәлергә кирәк.

Теркәлүне сез санактан( ноутбуктан, планшеттан һ.б.) узарга мөмкин, шулай ук Хезмәт күрсәтү үзәгендә. Анда теркәлүдән башка, Рәсмиләштерелгән теркәлү язуы( яки дәлилләнгән шәхси мәгълүмат) булдырылачак. Хезмәт күрсәтү үзәгенә мөрәҗәгать иткән очракта, үзегез белән паспорт һәм СНИЛС  булырга тиеш. Хезмәт күрсәтү үзәкләренең адреслары түбәндә күрсәтелгән***.

Татарстан республикасының хайваннар дөньясы  объектларын саклау һәм файдалану Идарәсе хәбәр итә:  Россия Федерациясе Хөкүмәтенең 11.07.2017 елдан  1469-р боерыгы белән, аучылык инфраструктурасына керә торган, объектлар Исемлеге расланды.

Бирелгән исемлек белән тәңгәл килеп, аучылык инфраструктурасына кертелделәр:

1. Вольер, кыргый хайваннар питомнигы, аучылык байлыкларын ярым ирекле шартларда һәм ясалма яшәү тирәлегендә асрау һәм үрчетү өчен киртәләр.

2. Егерьләр кордоны.

3.Аучылык базасы.

Россия Федерациясе урман Кодексының 36,72 маддәләреннән чыгып, урман бүлемтекләре бирелмичә, аучылык хуҗалыгы өлкәснендә эш төрләре алып бару өчен урманнарны куллану урман бүлемтеген арендага алмыйча да мөмкин , әгәр дә  күрсәтелгән эш төрләрен алып бару, урманны кисүгә яки аучылык инфраструктурасы объектларын булдыруга китермәсә.

Соңгы вакытта гади кара елан белән очрашу турында хәбәрләр ешайды. Беренче чиратта бөтенебезне дә  аның потенциаль куркынычы һәм аның белән очрашкан очракта   нәрсә эшләргә кирәклеге кызыксындыра. Шулай ук еланны  бакчага кертмәү чаралары турында сораулар бирелә.

Кыскача биологик белешмә.

Гади кара елан( зәһәр елан) (Vipera berus)  — озынлыкка 50-70 сантиметрлы зур булмаган елан. Төсе- төрле төстә булырга мөмкин, нигездә сорыдан һәм зәйтүн төсеннән алып  кызгылт – көрән төскә кадәр. Кара төсе – төп. Аркасы буйлап бормалы бизәк сузылган.

Татарстан республикасының хайваннар дөньясы  объектларын саклау һәм файдалану Идарәсе хәбәр итә:  2017 елның 29 июлендә, Россия Федерациясе Президенты белән, 224-ФЗ  номерлы “ Ау турында һәм  аучылык байлыкларын саклау турында һәм  Россия Федерациясенең  аерым канун чыгаручы актларына үзгәрешләр кертү турындагы” Федераль канунның 71 маддәсенә үзгәрешләр кертү турында”гы  Федераль канунга имза куелды.

Кертелгән үзгәрешләр белән  аукцион уздырмыйча аучылык хуҗалыгы килешүнамәләрен төзү вакыты билгеләнде– 49 ел.

Исегезгә төшереп китик, хайваннар дөньясы  объектларын куллануга озак вакытлы лицензия хуҗалары, кануннар чыгаручы, килешүнамәләр төзелергә тиешле төгәл срогын билгелгәнгә кадәр,андый килешүнамәләрне төзүгә мораторий  керткән 17-П номерлы Конституция Хөкеме  карары белән бәйле рәвештә, 2015 елдан аучылык хуҗалыгы килешүнамәләрен төзү  мөмкинлегеннән мәһрүм булдылар.

Хәзер Татарстан Республикасының дәүләт һәм муниципаль хезмәтләр Порталындагы “Халык контроле” рубрикасында “Биологик су байлыкларын хокуксыз тоту(табу)” дигән яңа категория барлыкка килде.  Анда физик затлар белән ятьмәләр кую очрагы турында, ә шулай ук сәнәгый балык тоту бүлемтеге чигеннән тыш ятьмәләр кую очраклары турында хәбәр  итәргә мөмкин. Бу иҗтимагый тикшерүне көчәйтү өчен ясалды.  Гражданнарның хакимият белән аралашуның яңа форматы биологик су байлыкларын хокуксыз табу мәсьәләсен тиз һәм нәтиҗәле итеп чишәргә мөмкинлек бирә.

Татарстан республикасының хайваннар дөньясы  объектларын саклау һәм файдалану Идарәсенең администрация-финанс бүлегенә Татарстан Республикасының дәүләт гражданлык вазифасындагы  буш урынны алмаштыруга бәйге игълан ителә.

Бәйгедә катнашу өчен гаризаны һәм аңа теркәлгән кирәкле документларны бәйге комиссиясенең сәркатибе , аларны кабул итү турында белдергән көннән алып 21 көн эчендә (2017 елның 26 июнен кертеп), кабул итә. Документларны Казан, Кәрим Тинчурин ур., 29 йорт, 201 нче кабинет, адресы буенча тапшырырга була.  тел.(843) 211-73-81, 211-66-94.

Татарстан республикасының хайваннар дөньясы  объектларын саклау һәм файдалану Идарәсе хәбәр итә: 2017 елның 27 һәм 28 июль көннәрендә  Татарстан Республикасының Алабуга, Мамадыш, Балык Бистәсе, Тукай һәм Чистай районнарында, Татарстан Республикасы территориясендә  “ Чөгә балыгының уылдык чәчү урыны” исемендәге региональ әһәмияттәге дәүләт табигый  зоологик тыюлыгын  оештыру соравы буенча, иҗтимагый тыңлаулар уздырылды.

Тыңлауларда катнашучылар аерым саклана торган табигый территорияне  булдыру инициативасын хупладылар.

Җәй уртасына Татарстан урманнарында кабан, поши, кыр кәҗәсе, аю балалары үсеп җитәләр һәм күченеп йөри башлыйлар. Алар ризык эзләп болыннарга баралар һәм еш кына юл аркылы чыгып машина астына да керәләр.

Хөрмәтле машина йөртүчеләр, шуның белән бәйле рәвештә, Сезне урманнар, кукуруз һәм көнбагыш басулары аша барганда сак булуыгызны, ә шулай ук юл билгеләренә игътибарлы булуыгызны сорыйбыз.

Бу авыр булмаган кагыйдәләрне тоту көенечле нәтиҗәләрдән саклап калыр.

 Шуның белән сез хайванның гомерен генә түгел, үзегезнекен дә саклап калырсыз.

Татарстан республикасының хайваннар дөньясы  объектларын саклау һәм файдалану Идарәсе хәбәр итә: 2017 елның 16 август көнендә сәгать 14.00, Казан, Кәрим Тинчурин 29 адресы буенча, ачык аучылык җир-суларында аулый торган физик затлар арасында кыргый тояклы хайваннарны тоту хокукына, җирәбә салу ысулын кулланып, рөхсәтнамәләрне бүлү булачак.

Җирәбәдә катнашу өчен гаризаларны  тапшыру вакыты  24.07.2017елдан   99-од номерлы Идарә боерыгын рәсмиләштергәннән вакыттан  билгеләнде.( боерыкны рәсмиләштергән вакыттан алып  2017 елның 4 августы сәгать 16.00 кадәр)

Чиремшән район хөкеме карары белән, гражданин П.   Россия Федерациясе Җинаятьләр Кодексының 258 маддәсе 1нче бүлеге “а,б” пунктлары( механик транспорт чарасын кулланып, зур зыян китерү белән хокуксыз аулау), 222 маддәсе 1 бүлеге (коралны, аның  төп өлешләрен, сугыш кирәк-яракларын хокуксыз сатып алу, бирү, сату, саклау, күчерү һәм үз яныңда йөртү) , 222.1. маддәсе 1 нче бүлеге (шартлаткыч маддәләрне хокуксыз саклау)   белән каралган җинаять эшләрендә гаепле дип танылды һәм 2 елга азатлыкны шартлы чикләү, 102 000 сум штраф, ау коралларын ( 20 калибрлы ТОЗ мылтыгы) юк итү, “Буран” кар йөрү машинасын дәүләт милегенә тартып алу һәм аучылык байлыкларына китерелгән зыянны 200 000  сум зурлыгында түләү  рәвешендә, өлешчә кушу юлы белән җәза билгеләнде.

2017 елның 10 март көнендә Чиремшән районының Лагерка авылыннан 1,5 км ераклыгында  пошиның ( ана поши) калдыклары табылды. Өстерәү эзләре шул авылның  гражданин П. йорты янына алып килделәр.  Тентү барышында  сырлы спорт-аучылык мылтыгына 149 патрон, 1853 елгы үрнәкнең “ Лефоше” системасына сырлы  алты зарядлы револьвердан төп өлеш булып килгән 3 деталь, 468,7 грамм төтенсез нитроцеллюлоза дары һәм поши калдыклары табылды.