Россия һәм якын чит ил студентлары Чистай районында җәйге кыр практикалары сезонын ачтылар
Казан федераль университетының Идарә, икътисад һәм финанслар институтының Табигатьне төзекләндерү һәм судан файдалану кафедрасы студентларының «Чиста болыннар» заказнигы базасында кыр практикасы башланды. Заказникның матурлыгы белән хозурланырга Россия һәм Төркмәнстан яшьләре җыелды. Төркемнәргә бүленеп, алар бер атна дәвамында заказникның флорасын һәм фаунасын тикшерәчәкләр, гидробиология һәм гидрохимия буенча күнекмәләрне һәм ысулларны үзләштерәчәкләр, шулай ук су экосистемаларының биологик төрлелеген бәяләячәкләр. Төп эшләрдән тыш, студентлар өчен табигатьтә ял итү өчен мәдәни программа да планлаштырылган. Алар гитара астында җырлар җырлаячак, квестлар узачак һәм экобатлларда катнашачак.
«Җәйге практика – табигать фәннәре профилен үзләштерүче һәр студент тормышында мөһим этап. Монда без яңа һөнәри күнекмәләргә өйрәнәбез, кыр шартларында үз көчебезне сынап карыйбыз. Заказник хезмәткәрләре безне бик җылы каршы алдылар. Практика вакытында без аларның эшен игътибар белән күзәтәчәкбез һәм шәһәр читендәге тормыш атмосферасына чумакчакбыз. Бу урын искиткеч, һәм кошларны күзәтү монда үзенә бер ләззәт», – дип уртаклаша студентлар.
Практика чорында заказникның фәнни җитәкчеләре һәм белгечләре җитәкчелегендә алар чыгарылыш квалификация эшләрен язу өчен материаллар җыячаклар.