ЯҢАЛЫКЛАР
Татарстан Республикасының хайваннар дөньясы объектларын саклау һəм файдалану Идарәсе хәбәр итә: 2016 елның гыйнвар аенда Идарә белән 138 аучылык билеты бирелде.
Бердәм федераль үрнәктәге аучылык билетын алу турында гаризаны яки аучылык билетын гамәлдән чыгару турында гаризаны, Татарстан Республикасының дәүләт һәм муниципаль хезмәтләр порталы аша (https://uslugi.tatarstan.ru.) электрон рәвештә бирергә була.
Дәүләт хезмәтләрен электрон рәвештә алуның өстенлеге вакыт кыскаруда, дәүләт әгъзаларында булган документларны кабат тапшырмауда, дәүләт хезмәтен Интернет челтәре аша теләсә кайсы урыннан җайлы вакытта алып булуда, ә шулай ук дәүләт хезмәтен курсәтү барышы турында мәгълүматны алу һәм коррупция очракларын киметү мөмкинлекләре булуда тора. Дәүләт хезмәтен күрсәтү иң алдан башкарыла.
“Аучылык һәм аучылык байлыкларын саклау һәм аерым канун чыгаручы актларга үзгәрешләр кертү турында”гы Федераль канунның 3 бүлегенең 21 маддәсе белән тәңгәл килеп, аучылык билеты бердәм федераль үрнәктәге документ булып килә һәм номер белән сериягә ия була. Аны Идарәдә, Казан шәһәре, Кәрим Тинчурин урамы 29 йорт 216 кабинет адресы буенча гына алырга була.
Аучылык билетының әзерлеге турында Идарә Сезгә,электрон почтагызга җибәрелә торган, электрон хат белән хәбәр итә. Хатта Идарәнең адресы, эш вакыты һәм сезгә, аучылык билетын алу өчен, килергә тәкъдим ителгән вакыт күрсәтелә.
Татарстан республикасының хайваннар дөньясы объектларын саклау һәм файдалану Идарәсе хәбәр итә:27.01.2016 елдан Татарстан Республикасы Министрлар Кабинетының 78-р номерлы боерыгы белән, 2016-2020 елларда Татарстан Республикасында котыру авыруын булдырмау буенча комплекслы чаралар планы расланды.
Котыру авыруын булдырмас һәм таратмас максаты белән, ау этләрен тоткан барлык аучыларны да, аларга вакцинация уздыруыгызны сорыйбыз. Шулай ук аучылык җир-суларында булган вакытта, аеруча кыргый ерткыч хайваннарга карата, хәвефсезлек чараларын тотуыгызны сорыйбыз. Хайваннарның гадәти булмаган тотышларын күргән очракта, соңармыйча аның турыда районның ветеринария хезмәтләренә һәм хайваннар дөньясы объектларын һәм аларның яшәү тирәлеген тәртипкә салу,саклау һәм тикшерү буенча район (районара) бүлекләре башлыкларына белдерүегезне сорыйбыз.
Татарстан республикасының хайваннар дөньясы объектларын саклау һәм файдалану Идарәсе исегезгә төшерә: Татарстан Республикасы территориясендә аучылык байлыкларына кышкы маршрут хисабын уздыру дәвам итә. Хисаплау 1 мартка кадәр дәвам итәчәк. Аның нәтиҗәләре буенча республикада хайваннар саны билгеләнәчәк.
Республикада хисапны уздыру өчен 1123 маршрут билгеләнде. Аларның гомуми озынлыгы 12238 километр.
Хисаплау эшен уздырып мәгълүматларны эшкәрткәннән соң, республикада пошиларны, кыр кәҗәләрен һәм селәүсеннәрне тоту лимитлары билгеләнәчәк, ә шулай ук ауга чикләүләр кертү кирәклеге турында карар кабул ителәчәк.
Көчле салкыннар килде. Бу кыргый хайваннар һәм кошлар өчен бик мөһим мәсьәлә.Кар күплеге моны тагын да көчәйтә. Салкыннарда яшәү өчен гел ризык эзләргә-хәрәкәттә булырга кирәк, ә кар күп булу моңа киртә булып тора. Кошларны ашатырга кирәк. Без Татарстан Республикасы халкын моның турыда искә төшерергә һәм кошларга булышырга өндибез.
Кошлар һәм хайваннар ( куяннар, төлкеләр, тиенәр, көртлекләлр һ.б.), җылылыкларын югалтмас өчен, хәзер әз хәрәкәтләнәләр, “борын төбендә нәрсәдер” ашыйлар. Бу очракта аларны борчырга ярамый. Кар йөрү машиналарының хуҗаларын юлдан чыгып йөрмәскә һәм ояларга кергән хайваннарны куркытмаска өндибез.
2016 елның 22 гыйнварында Татарстан Республикасы Юстиция министрлыгында Хокук мәсьәләләре буенча идарәара координация комитетының Эксперт киңәшмәсе утырышы узды. Утырышны Татарстан Республикасы Юстиция министры Р.И.Заһидуллин алып барды.
Эксперт киңәшмәсе утырышында җиде закон проекты каралды. Алар арасында “Административ хокук бозулар турында Татарстан Республикасы Кодексының 3.1 маддәсенә үзгәрешләр кертү турында” Татарстан Республикасы законы проекты хупланды. Аны әзерләүче - Татарстан Республикасы хайваннар дөньясы объектларын саклау һәм файдалану идарәсе.
Канун проекты белән рөхсәтсез яки рөхсәтнамәдә булган шартларны бозып, яки Татарстан Республикасының башка кануннары белән каралган тәртипләрне бозып, ТР Кызыл китабына кертелгән хайваннарны яки үсемлекләрне, аларның продукциясен, өлешләрен яки дериватларын табу, саклау, күчерү, җыю, асрау, сатып алу, сату яки җибәрү өчен административ җаваплылык каралды. Шулай ук канун проекты белән ТР Кызыл китабына кертелгән хайваннарга яки үсемлекләргә карата административ бозулар өчен санкцияләрне күтәрү каралган.
Татарстан республикасының хайваннар дөньясы объектларын саклау һәм файдалану Идарәсе хезмәткәрләре белән уздырылган рейдлар барышында, аучылык җир-суларының уздыру сәлате нормаларын бозу очрагы ачыкланды. Гражданин С. КоАПның 8.37 маддәсенең 1 бүлеге буенча административ җаваплылыкка тарттырылды.
Татарстан республикасының хайваннар дөньясы объектларын саклау һәм файдалану Идарәсе хәбәр итә: хәзерге вакытта Идарә белән Татарстан Республикасы территориясендә аучылык байлыкларын табу лимитын раслау турында документны әзерләү буенча эш башлынды. Шуның белән бәйле рәвештә , тирә –якка йогынтыны бәяләү чикләрендә, республика районнарында иҗтимагый киңәшмәләр уздыру планлаштырылды.
Бу документны кабул итү буенча барлык мәгълүмат Идарә сайтында урнаштырылачак.
Сотрудниками Управления по охране и использованию объектов животного мира Республики Татарстан в ходе проведения рейдовых мероприятий выявлен факт нарушении норм пропускной способности охотничьих угодий, а именно при осуществление коллективной охоты в охотничьем угодье участвовала двенадцать охотников при норме десять охотников
Татарстан республикасының хайваннар дөньясы объектларын саклау һәм файдалану Идарәсе хәбәр итә: Татарстан Республикасы территориясендә аучылык байлыкларына кышкы маршрут хисабын уздыру дәвам итә. Хисаплау 1 мартка кадәр дәвам итәчәк. Аның нәтиҗәләре буенча республикада хайваннар саны билгеләнәчәк.
Республикада хисапны уздыру өчен 1123 маршрут билгеләнде. Аларның гомуми озынлыгы 12238 километр.
Хисаплау эшен уздырып мәгълүматларны эшкәрткәннән соң, республикада пошиларны, кыр кәҗәләрен һәм селәүсеннәрне тоту лимитлары билгеләнәчәк, ә шулай ук ауга чикләүләр кертү кирәклеге турында карар кабул ителәчәк.