ЯҢАЛЫКЛАР

ТР Биоресурслар буенча дәүләт комитеты хезмәткәрләре, Куйбышев аучылык хуҗалыгы белгечләре һәм «Беренчеләр хәрәкәте» вәкилләре вакытларын файдалы итеп саф һавада уздырдылар. Укучылар җирле кыргый хайваннарга катлаулы һава шартларын кичерергә ярдәм итү максатыннан бер көнгә үзләрен белгечләр итеп хис итә алдылар. Алар, өлкәннәр белән беррәттән, тукландыру мәйданчыкларына печән, ашлык һәм тоз тараттылар, булган утлык-җимлекләрне кардан чистарттылар.

Татарстанда су биоресурсларын саклауга юнәлдерелгән «Балык булсын!» («Рыбе – быть») экологик акциясе дәвам итә. «Мишә елгасы тамагы» төбәк әһәмиятендәге дәүләти табигать зоология тыюлыгы территориясендә ТР Биоресурслар буенча дәүләт комитеты хезмәткәрләре, балык заводы хезмәткәрләре, Кече үлчәмле суднолар буенча дәүләт инспекциясе, Балык тоту кардәшлеге вәкилләре, һәвәскәр балыкчылар һәм җәмәгать эшлеклеләре аэрация үткәрделәр һәм 1000 нән артык тишем борауладылар.‑

Зөя аучылык хуҗалыгы территориясендә тирән кар көртенә батып калган һәм мөстәкыйль рәвештә чыга алмаган кыр кәҗәсен коткарганнар.

Татарстан Республикасы Биоресурслар буенча дәүләт комитеты агымдагы елның 28 февралендә республикада аучылык ресурсларының түбәндәге төрләренә ау сезоны тәмамлануын искә төшерә: төлке; корсак; ‑үр куяны; ондатра; сусар; янутсыман эт; кондыз; селәүсен; тиен; кабан. Аучылык ресурсларының барлык төрләре буенча, кабаннан кала, мәгълүматлар ау сезоны тәмамланганнан соң 20 календарь көн эчендә тапшырылырга тиеш. Кабан буенча ике вариант каралган: хайванны аулап алган очракта – аулаганнан соң 10 календарь көн эчендә белешмәләрне тапшырырга кирәк; аулап алмаган очракта – белешмәләр аучылык срогы тәмамланганнан соң 10 календарь көн эчендә тапшырылырга тиеш. Белешмәләр бирү урыны: аучылык ресурсларын аулауга рөхсәт алу урыны буенча.

Россия Сәламәтлек саклау министрлыгы дәвалаучы табибларга больничныйларны читтән торып ябу өчен МАХ милли мессенджерын кулланырга рөхсәт итте. 

Татарстан Республикасы Биоресурслар буенча дәүләт комитетының Кама аръягы зонасы хезмәткәрләре «Беренчеләр хәрәкәте» вәкилләре белән нәтиҗәле хезмәттәшлекне дәвам итәләр. Бу юлы партнерлар Спас районы мәктәпләренең берсендә «Мин һәм Кызыл китап» темасына беренче уртак танып белү чарасын оештырдылар һәм уздырдылар. Укучылар Россия Федерациясенең Кызыл китабына кертелгән сирәк һәм юкка чыга торган флора һәм фауна төрләре белән таныштылар. Балалар хайваннар һәм үсемлекләр саны кимүнең төп сәбәпләре турында белделәр, биотөрлелеккә янаучы факторлар турында фикер алыштылар, шулай ук табигатьтә үз-үзеңне тотуның мөһим кагыйдәләрен кабатладылар. Әйләнә-тирә мохиткә зыян китермәс өчен, үзеңне ничек тотарга икәнен искәрделәр.

ТР Биоресурслар буенча дәүләт комитеты рәисе һәм аның урынбасары су биоресурсларын һәм аларның яшәү тирәлеген саклауга багышланган төбәкара киңәшмәнең пленар утырышында катнаштылар. Татарстан Республикасы Рәисе исеменнән сәламләү сүзендә Дәүләт комитеты рәисе ассызыклаганча, Татарстан – илнең терәк төбәкләренең берсе: без Идел буе федераль округында квоталар һәм балык тоту күләме буенча икенче урында торабыз. Чыгышының азагында ул биоресурсларны саклап калу һәм балык хуҗалыгы комплексының нәтиҗәлелеген күтәрү буенча фәнни алымнар буенча фикер алышуда уңышлы һәм нәтиҗәле эш теләде.

Нурлат районында «Восход» аучылык хуҗалыгының тукландыру мәйданчыгында тәм-томнар белән сыйланып йөрүче кыр кәҗәләре көтүен фототоловушка төшереп алган. Аңа игътибар да итмичә, урман хайваннары тыныч кына ашауларын беләләр. Кайберләрен прибор утлык янында ашаганда ук, ә калганнарын якында гына йөрүләрен фотога төшергән. Яхшы тапталган юлдан хайваннар даими рәвештә тоз, печән һәм ашлык тутырылган утлыкларга, тозлыкларга йөриләр.

Бүген Татарстан Республикасы Биоресурслар буенча дәүләт комитеты хезмәткәрләре, җәмәгать эшлеклеләре, һәвәскәр балыкчылар‑һәм балалар «Балык булсын!» («Рыбе – быть») экологик акциясенә кушылдылар. Нурлат районында Ватанны саклаучылар көненә багышланган акциядә катнашучылар биш буада аэрация үткәрделәр һәм, балыкларны язгы томаланудан коткару өчен, 400 бәке борауладылар. Бу сулыклар – җирле халыкның да, туристларның да җәйге сезонда яраткан ял итү урыны. Балык сезоны башланганчы, экосистеманы саклап калу өчен, су асты тереклек ияләренә кислород алу мөмкинлеген тәэмин итү мөһим.

ТР Биоресурслар буенча дәүләт комитетының Нурлат һәм Теләче районнары буенча район (районара) бүлекләре башлыклары, «Сугышчан туганлык» Бөтенроссия ветераннар иҗтимагый оешмасының Нурлат бүлекчәсе вәкилләре белән берлектә Ватанны саклаучылар көне алдыннан өч «УАЗ» автомобиле җибәрделәр. Шул рәвешле һәркемнең уртак максатка ирешүгә үз өлешен кертә алуын күрсәттеләр. Алгы сызыкка юлга чыкканчы, машиналарга тулы техник хезмәт күрсәтү һәм ремонт ясалган. «Уазик»лар фронтта ышанычлылыгы, сыйдырышлылыгы, бөтен җирдә йөри алучанлыгы һәм таләпчән булмавы өчен бәяләнә, бу аларны хәрби шартларда алыштыргысыз итә. Тиздән алар зур файда китерәчәк.