ЯҢАЛЫКЛАР

Казан районара табигатьне саклау прокуратурасы тарафыннан су һәм җир законнарының үтәлеше тикшерелгән.

Казан районара табигатьне саклау прокуратурасы су биологик ресурсларын саклау турындагы законнарның үтәлешен тикшергән.

МХО зонасы хәрбиләре ТР Биоресурслар буенча дәүләт комитетының Лаеш, Нурлат һәм Чистай районнары хезмәткәрләренә тапшырган гуманитар ярдәмнәре өчен рәхмәт белдерделәр. Анда махсус операция зонасында тормыш өчен кирәкле бөтен нәрсә салынган.

Татарстанда сынау режимында «Эшмәкәр ярдәмчесе» дип исемләнгән чат-бот эшли башлады.  Аның ярдәмендә эшмәкәр булачак инспектор тикшерүенә әзерләнә һәм ясалма интеллект белән әңгәмә алып бара, тикшерү вакытында үз-үзен тоту алгоритмын ала, инспектор сораган документларны тапшыруны нигезли алачак. Моннан тыш, эшмәкәр алынган консультациянең сыйфаты турында бәяләмә калдырырга мөмкин, бу исә Цифрлы сервисның нәтиҗәлелеген яхшыртуны таләп итә торган өлкәләрне ачыкларга мөмкинлек бирә.

Татарстан шәһәрләрен үстерү институтының табигый территорияләр буенча дирекциясе ТР Биологик ресурслар буенча дәүләт комитеты, Казанның Парклар һәм скверлар дирекциясе, «Укыту-тәҗрибә Шәһәр яны урман хуҗалыгы» ДБУ, ТР Урман хуҗалыгы министрлыгы һәм ТР Экология һәм табигый байлыклар министрлыгы белән берлектә Зәңгәр күлләрне Саклаучыларны җыю турында игълан итә. 18 яшьтән 75 яшькә кадәрге теләсә кем катнаша ала. Әлеге проект түбәндәгеләргә бигрәк тә кызыклы булачак:

«Чиста болыннар» тыюлыгы хезмәткәрләре Чистай шәһәренең туризм бүлеге белән берлектә балаларны яклау көне уңаеннан «Батыр» спорт мәктәбе дзюдочылары өчен Прость елгасы буйлап катамараннарда йөзү оештырдылар. Яшь спортчыларны катамараннарда матур Прость елгасы буйлап мавыктыргыч йөзү көтә иде.

ТР Биоресурслар буенча дәүләт комитеты хезмәткәрләре Зеленодольск районының Красноярск мәктәбе базасында Эколог көненә һәм Бөтендөнья әйләнә-тирә мохитне саклау көненә багышланган экологик агарту лекцияләре циклын ачтылар. Әлеге уку йортын сайлау очраклы түгел. Биредә күп еллар дәвамында яшь экологлар түгәрәге эшли, аны педагог-биолог һәм бер үк вакытта мәктәп директоры Людмила Балашова җитәкли. Шулай ук мәктәп территориясендә җиләк-җимеш бакчасы урнашкан, ул ел саен агачларның яңа төрләре белән тулылана.

ТР Биоресурслар буенча дәүләт комитеты хезмәткәрләре республика сулыкларында «Уылдык чәчү» операциясе кысаларында рейд чараларын үткәрүне дәвам итәләр. Аксубай районының Яңа Ибрай авылы янындагы буада һәм Лаеш районының Боровое Матюшино бистәсе янында Идел елгасында законсыз балык тоту кораллары белән су биологик ресурсларын тоткан гражданнар тоткарланды. Хәзерге вакытта хокук бозучыларга карата РФ Җинаять кодексының 256 статьясы (Су биологик ресурсларын законсыз аулау (тоту)) буенча җинаять эше кузгату мәсьәләсе хәл ителә.

5 июньнән гомуми кулланышта булган аучылык биләмәләрендә сөркә-байбак аулауга рөхсәт алу өчен гаризалар кабул ителә башлый.

ТР Биоресурслар буенча дәүләт комитеты хезмәткәрләре «Уылдык чәчү» комплекслы оператив-профилактик операциясе кысаларында Лаеш районының Тәтәй авылыннан 5 км көньяк-көнбатыштарак һәм Казанның Киров районының «Юдино» микрорайонында Идел елгасында законсыз балык тоту кораллары белән су биологик ресурсларын тотучы гражданнарны тоткарладылар.