ЯҢАЛЫКЛАР

Җылы ял көннәрендә табигатьтә ял итүчеләр күп була. Алар урманнарда, паркларда һәм махсус сакланылучы табигать территорияләрендә йөриләр. Мондый «эссе чор»да ТР Биоресурслар буенча дәүләт комитеты хезмәткәрләре табигатьне саклау режимын бозу ихтималын булдырмауга һәм табигать комплексларына, тыюлыкларның һәм һәйкәлләрнең үсемлекләр һәм хайваннар дөньясына зыян китерүне булдырмауга юнәлдерелгән чараларны даими рәвештә үткәрә.

ТР Биоресурслар буенча дәүләт комитеты хезмәткәрләре «Мишә елгасы тамагы» дәүләт табигый зоологик тыюлыгы һәм Менделеевск районының Тойма елгасы табигать һәйкәле территориясендә 1200 м ясалма уылдык чәчү урыннары урнаштырдылар. Хәзер монда бик күп кечкенә балыклар барлыкка киләчәк.

ТР Биоресурслар буенча дәүләт комитеты хезмәткәрләре «Уылдык чәчү» комплекслы оператив-профилактик операциясе кысаларында Зеленодольск шәһәреннән 1,5 км көньяк-көнчыгыштарак законсыз балык тоту кораллары белән су биологик ресурсларын тоткан гражданинны тоткарлады.  Хәзерге вакытта РФ Җинаять кодексының 256 статьясы (Су биологик ресурсларын законсыз аулау (тоту)) буенча җинаять эше кузгату мәсьәләсе хәл ителә.

ТР Биоресурслар буенча дәүләт комитетында әйдәп баручы вазыйфалар («җитәкчеләр» категориясе) төркеменә кадрлар резервына бәйге игълан ителә. Хайваннар, үсемлекләр дөньясы һәм аеруча саклана торган табигать территорияләре өлкәсендә дәүләт күзәтчелеге буенча район (районара) бүлегенә кандидатлар карала (Тукай районы).

Хайваннар дөньясын саклау өлкәсендә инновацион технологияләр кертү үзәге хезмәткәре «Уылдык чәчү» операциясе кысаларында Спас районында Идел елгасы акваториясендә 73 кысла тоткыч таба һәм тартып ала.

Төбәк әһәмиятендәге А.П. Пухачев ис. «Чулпан» заказнигы башлыгы Дамир Фатыйхов һәм А.И. Щепковских ис. «Дала» заказнигы башлыгы Фәрит Динмөхәммәтов Биологик төрлелек көнен бәйрәм итү кысаларында Татарстан радиосының «Офыклар» программасына биргән интервьюсында заказникларның эшчәнлеге һәм алдагы планнары, шулай ук уникаль табигый территорияләр сагында торучы кешеләр турында сөйләделәр.

ТР Биоресурслар буенча дәүләт комитеты хезмәткәрләре Балыкчылыкның Идел-Кама территориаль идарәсенең Татарстан Республикасы буенча дәүләт контроле, күзәтчелеге һәм су биологик ресурсларын саклау бүлеге һәм район полиция линия пункты хезмәткәрләре белән «Уылдык чәчү» операциясе һәм «Ятьмәсез көн» Бөтенроссия акциясе кысаларында Куйбышев сусаклагычы акваториясендә 23 ятьмә тапты һәм тартып алды.

ТР Биоресурслар буенча дәүләт комитеты хезмәткәре Биологик төрлелек көне алдыннан Лаеш районының 3 нче мәктәбе укучылары өчен дәрес үткәрде. Укучылар тыюлык хезмәткәрләренең махсус сакланучы табигать территорияләрендәге эше һәм аларның теге яки бу флора Һәм фауна вәкиленең төрен ничек саклавы турында белделәр.

Идел-Россиянең генә түгел, бөтен дөньяның иң зур елгаларының берсе. Аның озынлыгы 3,5 мең километрдан артып китә, ә бассейн мәйданы ил территориясенең 8 % ын тәшкил итә. Ул борын-борыннан шәһәрләрне туендыра, су белән тәэмин итә һәм бәйли. Идел көнен бәйрәм итү кысаларында Төбәк әһәмиятендәге табигать тыюлыкларының 11 администрациясе хезмәткәрләре балалар бакчаларында һәм мәктәпләрдә тәрбияләнүчеләр өчен танып-белү лекцияләре үткәрделәр. Балалар Идел-ана турында иҗади номерлар әзерләделәр, шулай ук аның турында кызыклы фактлар һәм кешенең дөрес булмаган гамәлләренең теләсә кайсы су объектына һәм анда яшәүчеләргә ничек йогынты ясавы, киләчәк буыннарга аларны саклап калу өчен нәрсә эшләп булуы турында белделәр. Чаралар Россиянең кече елгалары исемнәре төшерелгән зәңгәр тасмалардан флешмоб белән тәмамланды.

Бүген Татарстан Республикасы Дәүләт Советы Рәисе Фәрит Мөхәммәтшин Россия Федерациясе дәүләт учреждениеләре һәм җәмәгать хезмәте күрсәтү хезмәткәрләренең гомумроссия һөнәр берлегенең Татарстан республикасы оешмасының XXXII хисап-сайлау конференциясе кысаларында ТР Биоресурслар буенча дәүләт комитеты коллективын Татарстан Республикасының хайваннар һәм үсемлекләр дөньясын саклау өлкәсендә дәүләт сәясәтен үстерүгә керткән зур өлеше өчен Татарстан Республикасы Дәүләт Советы Рәисенең Рәхмәт хаты белән бүләкләде. Бүләкне Фәрит Мөхәммәтшин кулыннан ведомствоның беренчел һөнәр берлеге оешмасы рәисе Оксана Филиппова алды.