ЯҢАЛЫКЛАР
Иртәгә, 25 апрельдә, Татарстанда "Уылдык чәчү" операциясе башлана. 5 июньгә кадәр республика территориясендә балык тотуга чикләүләр кертеләчәк.
Бу хакта сүз бүген, 24 апрельдә, Instagram социаль челтәренең туры эфирында, # chistye.luga. аккаунтында барачак. Кичке сәгать биштә ( 17:00) сорауларга "Чиста болыннар" дәүләт табигать заказнигы башлыгы Александр Чебурахтин җавап бирәчәк.
«Чиста болыннар» комплекслы юнәлешле региональ әһәмияттәге дәүләт табигый заказнигы 2001 елның 23 апрелендә Чистай муниципаль районы территориясендә оештырылды. Бүген аңа 19 ел булды.
Заказник эталонлы тугай комплексларын, су-сазлык җирләрен, үсемлекләр һәм хайваннар генофондын саклау, биоресурсларны торгызу һәм үрчетү, Татарстан Республикасының Идел-Кама төбәгенең уңай экологик балансын саклап калу максатыннан оештырылды.
2020 елның 19 мартындагы 208 номерлы «Татарстан Республикасында яңа коронавирус инфекциясенең таралуын булдырмау чаралары турында» Татарстан Республикасы Министрлар кабинеты карары нигезендә, республикада санитар-эпидемиологик хәл яхшырганчы, үз-үзеңне изоляцияләү режимы кертелде һәм гражданнар күпләп йөри торган урыннарда хезмәт күрсәтү тыела.
Күрсәтелгән карарны үтәү максаты белән, республикада язгы ауны оештыру буенча барлык чаралар, шул исәптән аучылык ресурсларын табуга рөхсәтнамәләр бирү дә , ау чоры тәмамланганчыга кадәр ук туктатылды.
Исегезгә төшерәбез, гражданнар тарафыннан үз-үзеңне изоляцияләү режимын бозу, Кодексның 20.6.1. статьясы буенча, чикләү чараларын бозу өчен (Татарстан Республикасы территориясендә яшәүче гражданнарга карата), административ җаваплылык карала.
Әлеге чаралар Сезнең сәламәтлегегезне саклауга юнәлдерелгән. Кабул ителгән чараларга аңлап каравыгызны сорыйбыз.
22 апрельдә Халыкара Җир-Ана көне билгеләп үтелә. Биоресурслар буенча дәүләт комитеты хезмәткәрләре, хәзер дистанцион укытуда булган мәктәп укучылары өчен, онлайн режимда берничә экологик дәрес үткәрәчәк. Алар табигатькә сак караш турында, хайваннар дөньясын саклау турында, Җир һәм аның экосистемаларының кешелек тормышын тәэмин итү турында сөйләячәк.
«Әйләнә-тирәбездәге дөнья» онлайн проект кысаларында «Чиста болыннар» дәүләт табигать тыюлыгы хезмәткәрләре Инстаграмм профилендәге рәсми аккаунтының турыдан-туры эфирында лекция үткәрделәр. Лекция Бөтендөнья умырзая көненә багышланган иде.
25 апрельдән 5 июньгә кадәр Татарстанда балык тоту тыела. Бу хакта бүген Биоресурслар буенча дәүләт комитеты рәисе Федор Батков беренче вице-премьер Рөстәм Нигъмәтуллин рәислегендә узган су биоресурсларын саклау буенча республика советы утырышында хәбәр итте. Татарстан Республикасының су объектларында су биологик ресурсларын законсыз тоту һәм сату белән бәйле хокук бозуларны булдырмау буенча "Уылдык чәчү" комплекслы оператив-профилактик операция ел саен үткәрелә.
Су ресурсларын законсыз тотуны булдырмау буенча ведомствоара төркемнәрнең эш графигы яңадан каралачак. Бу хакта бүген Биоресурслар буенча дәүләт комитеты рәисе Федор Батков беренче вице-премьер Рөстәм Нигъмәтуллин рәислегендә узган су биоресурсларын саклау буенча республика советы утырышында хәбәр итте.
Татарстан Республикасының Биоресурслар буенча дәүләт комитеты исегезгә төшерә: Кызыл китапка кертелгән үсемлекләрне, шул исәптән беренче чәчәк атучыларны, рөхсәтсез алу рөхсәт ителми.
Татарстан Республикасының биоресурслар буенча дәүләт комитеты тарафыннан, үз-үзеңне изоляцияләү режимына бәйле рәвештә, табигатьне саклау дәресләре дистанцион рәвештә үткәрелә. Бүген "Балтач" ДТКТ хезмәткәрләре «Мәктәптән тыш эшләр үзәге»МББУ белән берлектә чираттагы дәресне үткәрделәр
Чуаш Республикасыннан килгән ике браконьер Югары Ослан районында төбәк әһәмиятендәге "Зөя"комплекслы профильле дәүләт табигать тыюлыгы территориясендә законсыз рәвештә балык тотканнар. Аларны «Зөя» ДТКТ башлыгы һәм дәүләт комитетының Югары Ослан районы бүлеге башлыгы үткәргән уртак рейд барышында күргәннәр.