ЯҢАЛЫКЛАР
Ел саен Россиядә 24 майда, ә бөтен дөньяда12 октябрьдә Кадрлар хезмәткәре көне кебек бәйрәм үткәрелә.
Тарихи чыганаклар буенча, ерак 1835 елда ук указ чыгарыла. Ул фабрика һәм заводларның эшчеләре һәм хуҗалары арасындагы мөнәсәбәтләр турындагы карарны үз эченә ала. Нәкъ менә шул документ нигезендә кадрлар хезмәте хезмәткәрләренең һөнәри бурычлары һәм хокуклары регламентлаштырылды.
Татарстан Республикасы Биологик ресурслар буенча дәүләт комитеты Сезне, хөрмәтле кадрлар хезмәткәрләре, һөнәри бәйрәмегез белән котлый!
21 майда хайваннар дөньясы һәм биотөрлелек мониторингы бүлекләре җитәкчеләре Валеев Илфат һәм Әхмәтсафина Роза «Эковолна» Татарстан Республикасының яшьләр экологик оешмаларының V Форумы кысаларында оештырылган «Байтик» ООК нигезендәге белем бирү мәйданчыгында «Урманнарны, хайваннар дөньясын саклау һәм биотөрлелек» темасы буенча чыгыш ясадылар. Чыгышлар барышында форумда катнашучылар Комитетның тулаем эшчәнлеге, хайваннар дөньясын саклау һәм аларны яңадан торгызу чаралары турында белделәр, шулай ук Татарстан Республикасының Кызыл китабын алып бару һәм аеруча саклана торган табигать территорияләрен булдыру юнәлешләре белән таныштылар.
Вазыйфаларның төп төркеменә кадрлар резервына конкурс игълан ителде
2021 елның 21 маеннан Татарстан Республикасы Биологик ресурслар буенча дәүләт комитеты «җитәкчеләр»категориясе вазыйфаларының төп төркеменә кадрлар резервына кертүгә конкурс игълан итә.
Вакантлы вазыйфалар турында тулырак мәгълүмат «Идарә кадрларының федераль порталы» федераль дәүләт мәгълүмат системасы сайтында урнаштырылган http://gossluzhba.gov.ru/
Конкурста катнашу өчен кирәкле документлары теркәлгән гаризаны, аны кабул итү турында игълан урнаштырылганнан соң 21 көн дәвамында (2021 елның 26 маена кадәр),конкурс комиссиясенең сәркатибе түбәндәге адрес буенча кабул итә: Казан шәһәре, Кәрим Тинчурин ур., 29 йорт, каб. 203, тел. (843) 211-73-81, 211-66-94.
Конкурс комиссиясенең утырышы (якынча) 2021 елның 22 июнендә булачак.
Бүген, Мамадыш һәм Алабуга балыкчылык участоклары хезмәткәрләре көче белән, 6 мең гектардан артык акватория хуҗасыз ятьмәләрдән чистартылды һәм 3 тоннадан артык чүп-чар җыелды.
Чистарту эшләре белән беррәттән, «Балык булсын!» акциясе кысаларында, ясалма уылдык чәчү урыннарын урнаштыру эшләре алып барылды. Акциядә шулай ук Мамадыш районы укучылары да катнашты. Укучылар 3,5 мең гектардан артык мәйданда 2 меңнән артык оя урнаштырдылар.
18 май көнне, «Балык булсын!» акциясе кысаларында, Актаныш районы башкарма комитеты, район мәгариф идарәсе, урманчылыклар, Татар Ямалы мәктәбе хезмәткәрләре Татарстан Республикасы Биологик ресурслар буенча дәүләт комитетының аучылык күзәтчелеге бүлеге белән берлектә, Актаныш һәм Минзәлә районнары буенча 6,6 км ясалма уылдык чәчү урыннары куйды.
Акциядә «Нептун» балык сәнәгате оешмасы хезмәткәрләре дә актив катнаша. Һәр бригада үз участогында уылдык чәчү урыннарын урнаштыра.
«Татар Ямалы урта гомуми белем бирү мәктәбе» МББУ укучылары район телеканалларына кызыксынып, ясалма уылдык чәчү урыннарын урнаштыруның мөһимлеге турында сөйләделәр.
Чара ахырында балаларга кармаклар бүләк иттеләр һәм тәмле чәй эчерттеләр.
ТР Дәүләт комитеты хезмәткәрләре ятьмәләрне урнаштыруга юл куймау һәм аларны республика сулыкларыннан чыгару буенча даими эш алып баралар. Браконьерлык ятьмәләрен кую су биологик ресурсларына гына түгел, ә су йөзүче кошларга дә тискәре йогынты ясаганын исегезгә төшерәбез.
Татарстан Республикасы Биологик ресурслар буенча дәүләт комитетына
юрист,
матбугат хезмәте белгече,
инспекторлар төркеменә хезмәткәрләр ,
Яшел Үзән районындагы дәүләт табигать тыюлыгына хезмәткәрләр таләп ителә.
Әгәр Сезне безнең вакансияләр кызыксындырса, тулырак мәгълүмат артыннан (843) 2117381 телефоны буенча, дәүләт хезмәте һәм кадрлар секторына мөрәҗәгать итүегезне сорыйбыз.
атарстан Республикасы Биологик ресурслар буенча дәүләт комитеты 2021 елның 14 маеннан алып Буа районы буенча хайваннар, үсемлекләр дөньясы һәм аеруча саклаулы табигать территорияләре өлкәсендә дәүләт күзәтчелеге буенча район (районара) бүлек башлыгы вазыйфасына кадрлар резервына кертелүгә конкурс игълан итә (әйдәп баручы төркем, «җитәкчеләр» категориясе).
Вакантлы вазыйфалар турында тулырак мәгълүмат «Идарә кадрларының федераль порталы» федераль дәүләт мәгълүмат системасы сайтында урнаштырылган http://gossluzhba.gov.ru/
Конкурста катнашу өчен кирәкле документлары теркәлгән гаризаны, аны кабул итү турында игълан урнаштырылганнан соң 21 көн дәвамында (2021 елның 26 маена кадәр),конкурс комиссиясенең сәркатибе түбәндәге адрес буенча кабул итә: Казан шәһәре, Кәрим Тинчурин ур., 29 йорт, каб. 203, тел. (843) 211-73-81, 211-66-94.
Конкурс комиссиясенең утырышы (якынча) 2021 елның 15 июнендә булачак.
Уздырыла торган конкурс турында тулырак мәгълүмат безнең сайтта «Кадрлар сәясәте» бүлегендә урнаштырылган https://ojm.tatarstan.ru/kadrovaya-politika-test.htm.
Татарстан Республикасы Биологик ресурслар буенча дәүләт комитеты вафат булучыларның гаиләләренә килгән олы кайгыларын уртаклаша. Сезнең белән бергә кайгырабыз!
Татарстанлыларны ИТ-кадрларга ихтыяҗ булу турында сораштыруда катнашырга чакыралар
РФ Хезмәт һәм социаль яклау министрлыгы мәгълүмати куркынычсызлык өлкәсендә кадрларга булган ихтыяҗны тикшерә. Сораштыруда түбәндәге сылтама буенча катнашырга мөмкин: https://itsecurity2021.vcot.info/
Анкета, оешманы кадрлар белән тәэмин итү мәсьәләләре белән шөгыльләнүче хезмәткәрләр белән үзара бәйләнештә, оешманың җитәкчесе яки оешманың кадрлар белән тәэмин итү мәсьәләләре белән шөгыльләнүче җитәкчесе/белгече белән тутырыла.
Сораштыруның нәтиҗәләре мәгълүмати куркынычсызлык өлкәсендә төрле дәрәҗәдәге һәм белгечлекле һөнәрчеләрдә ихтыяҗ булуын, аларның һөнәри әзерлек күләмен фаразлау өчен кулланылачак.
Сораштыруны 15 майга кадәр узарга мөмкин.