ЯҢАЛЫКЛАР

ТР Биоресурслар буенча дәүләт комитетының Биотөрлелек торышына дәүләт күзәтчелеге бүлеге баш белгече Илсур Измайлов «ЭКОлидер-2025» республика конкурсында «Татарстан Республикасының иң яхшы дәүләт инспекторы» номинациясендә җиңүче булды‑.

Татарстан Республикасы Биоресурслар буенча дәүләт комитеты МАХ илкүләм мессенджерында рәсми канал эшләтеп җибәрде. Каналга язылучылар даими рәвештә оператив яңалыклар, ведомство хезмәткәрләре катнашындагы акцияләр һәм чаралар турында мәгълүмат, шулай ук башка актуаль мәгълүматлар ала алачак.

МХО зонасындагы төрле бүлекчә хәрбиләре, ролик яздырып, ТР Биоресурслар буенча дәүләт комитеты хезмәткәрләренә, Нурлат районының Хәрби туганлык хезмәткәрләренә, шулай ук район администрациясе һәм якташлары вәкилләренә ярдәмнәре һәм тапшырылган автомобильләре өчен рәхмәт белдергәннәр.

Могҗизалар әкиятләрдә генә булмый. Моны «Теләкләр чыршысы» Бөтенроссия акциясе ярдәмендә хыяллары чынга ашкан һәркем белә. Бәйрәм алды мәшәкатьләре арасында сиңа кемнеңдер кадерле хыялы ышанып тапшырыла икән, һәркем күңелендә изгелек хисләре кабына. Һәр балага да бит могҗизаларга ышану һәм аның теләкләренең чынбарлыкка әверелүен күрү күңелле. Яңа ел алдыннан ТР Биоресурслар буенча дәүләт комитеты рәисе, акциядә катнашып, спорт белән мавыгучы Казан егете тугыз яшьлек Хәлилнең хыялын тормышка ашырды. Малай «акыллы» колонка турында хыяллана.

ТР Биоресурслар буенча дәүләт комитеты мотопаркы яңартылды: 74 карда йөрү машинасы һәм 16 чана бирелде. Техниканы ТР Биоресурслар буенча дәүләт комитеты рәисе Федор Батков тапшырды.

Республикада чәшке һәм кама санын исәпкә алу төгәлләнде. ТР Биоресурслар буенча дәүләт комитеты белгечләре аларның санын хайваннарның карда калдырган эзләре буенча билгелиләр.

Дәүләт комитеты хезмәткәрләре махсус хәрби операция зонасында бурычларын үтәүче хәрби хезмәткәрләргә һәрьяклап ярдәм күрсәтүне дәвам итә. Татарстан Республикасы Дәүләт комитетының Теләче районы буенча район (районара) бүлеге башлыгы якташларына 17 нче автомобильне җибәрде.

Бүген Аю көне билгеләп үтелә. Бәйрәм кысаларында ТР Биоресурслар буенча дәүләт комитеты хезмәткәрләре алар турында –төгәлрәге, көрән аю турында, чөнки Татарстанда бу төр генә яши – берничә кызыклы факт әзерләде.

ТР Биоресурслар буенча дәүләт комитетының Түбән Кама районындагы районара бүлеге башлыгы коммерцияле булмаган бакчачылык ширкәте күлләрендә ике яшь аккошны коткарды. Кошлар турында аңа битараф булмаган кешеләр хәбәр итә. Бер кошның күзе зарарланган, икенчесенең аягы сынган була. Хәзер алар волонтер күзәтүендә. Аларның тормышына куркыныч янамый. Әгәр кошлар тернәкләнсәләр, яз көне аларны табигый яшәү тирәлегенә чыгарачаклар.

ТР Биоресурслар буенча дәүләт комитетында балык тоту тармагының Балык хуҗалыгы Советы утырышы узды.