ЯҢАЛЫКЛАР
Бүген, Мамадыш һәм Алабуга балыкчылык участоклары хезмәткәрләре көче белән, 6 мең гектардан артык акватория хуҗасыз ятьмәләрдән чистартылды һәм 3 тоннадан артык чүп-чар җыелды.
Чистарту эшләре белән беррәттән, «Балык булсын!» акциясе кысаларында, ясалма уылдык чәчү урыннарын урнаштыру эшләре алып барылды. Акциядә шулай ук Мамадыш районы укучылары да катнашты. Укучылар 3,5 мең гектардан артык мәйданда 2 меңнән артык оя урнаштырдылар.
18 май көнне, «Балык булсын!» акциясе кысаларында, Актаныш районы башкарма комитеты, район мәгариф идарәсе, урманчылыклар, Татар Ямалы мәктәбе хезмәткәрләре Татарстан Республикасы Биологик ресурслар буенча дәүләт комитетының аучылык күзәтчелеге бүлеге белән берлектә, Актаныш һәм Минзәлә районнары буенча 6,6 км ясалма уылдык чәчү урыннары куйды.
Акциядә «Нептун» балык сәнәгате оешмасы хезмәткәрләре дә актив катнаша. Һәр бригада үз участогында уылдык чәчү урыннарын урнаштыра.
«Татар Ямалы урта гомуми белем бирү мәктәбе» МББУ укучылары район телеканалларына кызыксынып, ясалма уылдык чәчү урыннарын урнаштыруның мөһимлеге турында сөйләделәр.
Чара ахырында балаларга кармаклар бүләк иттеләр һәм тәмле чәй эчерттеләр.
ТР Дәүләт комитеты хезмәткәрләре ятьмәләрне урнаштыруга юл куймау һәм аларны республика сулыкларыннан чыгару буенча даими эш алып баралар. Браконьерлык ятьмәләрен кую су биологик ресурсларына гына түгел, ә су йөзүче кошларга дә тискәре йогынты ясаганын исегезгә төшерәбез.
Татарстан Республикасы Биологик ресурслар буенча дәүләт комитетына
юрист,
матбугат хезмәте белгече,
инспекторлар төркеменә хезмәткәрләр ,
Яшел Үзән районындагы дәүләт табигать тыюлыгына хезмәткәрләр таләп ителә.
Әгәр Сезне безнең вакансияләр кызыксындырса, тулырак мәгълүмат артыннан (843) 2117381 телефоны буенча, дәүләт хезмәте һәм кадрлар секторына мөрәҗәгать итүегезне сорыйбыз.
атарстан Республикасы Биологик ресурслар буенча дәүләт комитеты 2021 елның 14 маеннан алып Буа районы буенча хайваннар, үсемлекләр дөньясы һәм аеруча саклаулы табигать территорияләре өлкәсендә дәүләт күзәтчелеге буенча район (районара) бүлек башлыгы вазыйфасына кадрлар резервына кертелүгә конкурс игълан итә (әйдәп баручы төркем, «җитәкчеләр» категориясе).
Вакантлы вазыйфалар турында тулырак мәгълүмат «Идарә кадрларының федераль порталы» федераль дәүләт мәгълүмат системасы сайтында урнаштырылган http://gossluzhba.gov.ru/
Конкурста катнашу өчен кирәкле документлары теркәлгән гаризаны, аны кабул итү турында игълан урнаштырылганнан соң 21 көн дәвамында (2021 елның 26 маена кадәр),конкурс комиссиясенең сәркатибе түбәндәге адрес буенча кабул итә: Казан шәһәре, Кәрим Тинчурин ур., 29 йорт, каб. 203, тел. (843) 211-73-81, 211-66-94.
Конкурс комиссиясенең утырышы (якынча) 2021 елның 15 июнендә булачак.
Уздырыла торган конкурс турында тулырак мәгълүмат безнең сайтта «Кадрлар сәясәте» бүлегендә урнаштырылган https://ojm.tatarstan.ru/kadrovaya-politika-test.htm.
Татарстан Республикасы Биологик ресурслар буенча дәүләт комитеты вафат булучыларның гаиләләренә килгән олы кайгыларын уртаклаша. Сезнең белән бергә кайгырабыз!
Татарстанлыларны ИТ-кадрларга ихтыяҗ булу турында сораштыруда катнашырга чакыралар
РФ Хезмәт һәм социаль яклау министрлыгы мәгълүмати куркынычсызлык өлкәсендә кадрларга булган ихтыяҗны тикшерә. Сораштыруда түбәндәге сылтама буенча катнашырга мөмкин: https://itsecurity2021.vcot.info/
Анкета, оешманы кадрлар белән тәэмин итү мәсьәләләре белән шөгыльләнүче хезмәткәрләр белән үзара бәйләнештә, оешманың җитәкчесе яки оешманың кадрлар белән тәэмин итү мәсьәләләре белән шөгыльләнүче җитәкчесе/белгече белән тутырыла.
Сораштыруның нәтиҗәләре мәгълүмати куркынычсызлык өлкәсендә төрле дәрәҗәдәге һәм белгечлекле һөнәрчеләрдә ихтыяҗ булуын, аларның һөнәри әзерлек күләмен фаразлау өчен кулланылачак.
Сораштыруны 15 майга кадәр узарга мөмкин.
Татарстан Республикасы Биологик ресурслар буенча дәүләт комитеты «Җиңү тәрәзәләре» дип исемләнгән Бөтенроссия акциясендә катнашты.
9 май көнне республиканың барлык районнарында Җиңү көненә багышланган тантаналы митинглар узды.
ТР Биоресурслар буенча дәүләт комитетының территориаль бүлекчәләр хезмәткәрләре Ватаныбызның намусы, иреге һәм бәйсезлеге өчен гомерләрен биргән якташларыбызның батырлыгына истәлек итеп, һәлак булган сугышчылар һәйкәленә чәчәкләр куйды.
Җиңү көне йөрәкләрне дулкынландырып күз яшьләре белән каршылый торган, һәркем өчен аеруча мөһим бәйрәм булып калачак. Күпме кеше фронттан кайтмады, күпме язмышлар өзелде! Без беркайчан да, гомерләрен биреп, Җиңүне якынайткан совет кешеләренең батырлыкларын онытмаячакбыз. Бөек Ватан сугышы елларында Татарстаннан фронтка 700 меңнән артык сугышчы китә, әмма шуларның яртысы гына өенә әйләнеп кайта. Сугыш вакытында батырлык массакүләмгә әйләнә, совет кешеләренең үз-үзен тотышы нормасына әверелә. Без тыныч күк астында бәхетле тормышыбыз белән кемгә тиеш булуыбызны истә тотарга бурычлы. Без әби- бабаларыбызның лаеклы буыны булырга тиешбез.
Фотосурәттә Әлки районында уздырылган чара.
08 майда Татарстан Республикасы урман фонды территориясендә «Хәтер бакчасы» дип исемләнгән халыкара акция узды. Татарстан Республикасының Биоресурслар буенча дәүләт комитеты хезмәткәрләре үз гаиләләре белән бу акциядә актив катнаштылар - алар үсентеләр утырту өчен Биектау районына бардылар.
«Хәтер бакчасы» халыкара акциясе Бөек Ватан сугышында Җиңүнең 76 еллыгын һәм Татарстан Республикасы Урман хуҗалыгы белән идарә итү органының 100 еллыгын бәйрәм итүгә багышланган иде. Бу көнне өйләренә, туганнары һәм якыннары янына әйләнеп кайтмаган, Татарстанның 350 мең батыры истәлегенә 350 мең үсенте утырту планлаштырылды.
Акция Татарстан Республикасында 20 апрельдә старт алды һәм 2021 елның 22 июненә кадәр дәвам итәчәк. Агымдагы елның 7 маена 75 мең агач утыртылган. Акция нәтиҗәләре буенча барлыгы 1 млн.үсенте утыртылыр дип көтелә.