ЯҢАЛЫКЛАР

ТР Биоресурслар буенча дәүләт комитеты хезмәткәрләре Казанның 3 нче гимназиясенең башлангыч сыйныф укучылары өчен үсентеләр утырту буенча мастер-класс үткәрделәр. Алар төрле үсемлекләрне утырту сроклары һәм кагыйдәләре турында сөйләделәр.

«Кичке таң» заказнигы башлыгы Руслан Мәннапов каманы фотога төшереп алган. Кадрларда аның «Иж елгасы» табигать һәйкәле ярыннан ерак түгел утыруы һәм балык ашавы күренә.

ТР Биоресурслар буенча дәүләт комитеты хезмәткәрләре «Чиста болыннар» дәүләт табигый тыюлыгы территориясендә Прость елгасы яры буенда өмә оештырды. Аларга Булдыр авыл клубы, «Юл хәрәкәте иминлеге» ДБУ хезмәткәрләре, район Ата-аналар советы һәм Әтиләр советы активистлары, шулай ук Беренчеләр хәрәкәте, «Яшь табигать сакчысы» һәм «ЮИД» отрядлары вәкилләре дә кушылды.

Бүген ТР Биоресурслар буенча дәүләт комитеты рәисе Федор Батков ТР Биоресурслар буенча дәүләт комитетыны Теләче районындагы хайваннар, үсемлекләр дөньясы һәм аеруча саклана торган табигый территорияләр өлкәсендә дәүләт күзәтчелеге бүлеге башлыгы Эмиль Гаязовны Татарстан Республикасы дәүләт граждан хезмәткәрләренең электрон Мактау тактасына кертелүе белән котлады.

ТР Биоресурслар буенча дәүләт комитеты һәм Хайваннар дөньясын саклау өлкәсендә инновацион технологияләр кертү үзәге хезмәткәрләре тарафыннан «Спас» заказнигы территориясендә полиция хезмәткәрләре белән уртак күзәтчелек чарасы барышында тыелган аулау кораллары белән көймәдә су биологик ресурсларын (кысла) тотучы гражданны тоткарладылар. Аның моторлы резина көймәсе һәм 10 кысла аулагычы тартып алынды.

Бүген Биектаудагы ТР Биоресурслар буенча дәүләт комитеты хезмәткәре районда яшәүче хатын-кыз тарафыннан ел башында Идел култыгында коткарылган Кызыл китапка ысылдавык аккошны иреккә чыгарды. Ул район сулыкларының берсендә үз көтүеннән аерылып калган хәлсезләнгән ялгыз кошны күреп ала һәм, кичекмәстән, ТР Биоресурслар буенча дәүләт комитеты хезмәткәрләренә мөрәҗәгать итә.

ТР Биоресурслар буенча дәүләт комитеты 12 апрельдән суда йөзүче киек кошларны аулау сезоны ачылуын хәбәр итә. Ата үрдәкләрне һәм казларны гына аулап алырга рөхсәт ителә. Сезон 21 апрельгә кадәр дәвам итәчәк.

Бүген ТР Биоресурслар буенча дәүләт комитеты хезмәткәрләре Казан шәһәре Кулланучылар базары комитеты һәм Вахитов, Идел буе районнары администрацияләре белән берлектә урамдагы сәүдә урыннары буйлап рейд чарасы үткәрделәр.

ТР Биоресурслар буенча дәүләт комитетында су биологик ресурслары бүлеге башлыгы вазыйфасына кадрлар резервына керү өчен конкурс узды. Комиссия утырышында Татарстан Республикасы Рәисе каршындагы дәүләт хезмәте һәм кадрлар департаментының кадрлар бүлеге баш киңәшчесе Анастасия Басова катнашты.

Ясалма оялар Минзәлә районының «Кама-Ык» һәм Спас районының «Спас» тыюлыкларында барлыкка килде. Аларны үсеп килүче буын белән берлектә ТР Биоресурслар буенча дәүләт комитеты хезмәткәрләре су кошлары җыела торган урыннарга урнаштырды.