ЯҢАЛЫКЛАР

Сулыкларда балыклар уылдык чәчә. Ә балык тыныч кына нәсел үрчетә алсын өчен, аңа ТР Биоресурслар буенча дәүләт комитеты хезмәткәрләре ярдәмгә килә. Алар Зөя елгасында 600 м уылдык чәчү урыны урнаштырдылар. Биредә балыклар өчен барлык шартлар да тудырылган – су чиста, агып тора һәм сай. Чара «Балык – булсын! (Рыбе — быть!)» акциясе кысаларында узды.

ТР Биоресурслар буенча дәүләт комитеты хезмәткәрләре тарафыннан «Уылдык чәчү» комплекслы оператив-профилактик операциясе кысаларында Нурлат районының Юган бистәсе янындагы «Зур Чирмешән» елгасының табигать һәйкәле территориясендә законсыз балык тоту кораллары белән су биологик ресурсларын тоткан ике граждан тоткарланды. Аларның кабартыла торган көймәләре һәм ятьмәләре тартып алынды.

Бүген ТР Биоресурслар буенча дәүләт комитеты хезмәткәрләре Казан шәһәре Кулланучылар базары комитеты һәм Совет, Вахитов, Идел буе районнары администрацияләре белән берлектә урамдагы сәүдә урыннары буйлап рейд чарасы үткәрделәр.

Татарстан Республикасы Биоресурслар буенча дәүләт комитетында әйдәп баручы вазыйфалар («җитәкчеләр» категориясе) төркеменә кадрлар резервына бәйге игълан ителә. Хайваннар, үсемлекләр дөньясы һәм аеруча саклана торган табигать территорияләре өлкәсендә дәүләт күзәтчелеге буенча район (районара) бүлегенә кандидатлар карала (Зәй районы).

Махсус хәрби операция уздыру зонасына 7 ау мылтыгы һәм 150 патроннан торган чираттагы партия җибәрелде. Аларны Угледар районындагы хәрбиләргә ТР Биоресурслар буенча дәүләт комитеты хезмәткәрләре һәм Нурлат районы аучылары җибәрде.

Тирә-якта бары су, урман һәм тынлык – яңа тормыш башлану өчен менә дигән шартлар. ТР Биоресурслар буенча дәүләт комитеты хезмәткәрләре «Балык –булсын» («Рыбе – быть») акциясе кысаларында балыклар өчен чын «балалар бакчасы» төзегәннәр. Алар Тәтеш районыда Идел елгасы яр буе зонасында ылыслы ботаклардан 1600 м ясалма уылдык чәчү урыннары урнаштырганнар. Биредә балык барлык яшь чорын узачак – уылдыктан алып мөстәкыйль яши башлаганчыга кадәр.

Бүген Бөтендөнья тузганак көне билгеләп үтелә. Бу гаҗәеп үсемлек бөтен җирдә диярлек үсә ала – шәһәр асфальты араларыннан алып, Альп болыннарына кадәр. Тузганак кашкарыйлар гаиләсенә керә. Республика территориясендә дару тузганагын һәм бу төрдән килеп чыккан формаларны, шулай ук Татарстан Республикасының Кызыл Китабына кертелгән соң тузганакны очратырга мөмкин. Соңгысының чәчәк атуын июльдән сентябрьгә кадәр Буа районының Козловка авылында, Әлмәт районының Аппак авылында һәм Минзәлә районының Адай авылы тау битләрендә күзәтергә мөмкин.

ТР Биоресурслар буенча дәүләт комитетында Татарстан Республикасы балык хуҗалыгы Советының чираттагы утырышы булды.

ТР Биоресурслар буенча дәүләт комитеты хезмәткәрләре тарафыннан Идел буе районының «Залив» коммерцияле булмаган бакча ширкәтеннән көньяк-көнчыгышка таба 100 м да Идел елгасы култыгында «Уылдык чәчү» комплекслы оператив-профилактик операциясе кысаларында законсыз балык тоту кораллары белән су биологик ресурсларын тоткан гражданин тоткарланды. Хәзерге вакытта РФ Җинаять кодексының 256 статьясы (Су биологик ресурсларын законсыз аулау (тоту)) буенча җинаять эше кузгату мәсьәләсе хәл ителә.

Хайваннар дөньясын саклау өлкәсендә инновацион технологияләрне гамәлгә кертү үзәге хезмәткәрләре Зеленодольск районының Бритвино авылы янындагы сазлыкта батып баручы поши баласын коткарган. Әнкәсе аның янында булган, ләкин баласына берничек тә ярдәм итә алмаган. Аның анда ничек килеп чыкканы билгесез, мөгаен, сабый әнисенең эзеннән йөрергә өйрәнгәндер һәм, көчен исәпләмичә, суга кергәндер. Кул астындагы чаралар ярдәмендә белгечләр поши бозавын судан чыгарганнар.