ЯҢАЛЫКЛАР

2024 елда фәнни оешмалар тарафыннан комплекслы фәнни тикшеренү эшләре үткәрелгәндә сирәк очрый торган 6 төрнең яңа яшәү урыннары ачыкланды. Бу хакта ведомство коллегиясендә ТР Биоресурслар буенча дәүләт комитеты рәисе Федор Батков белдерде.

Бүген Татарстан премьер-министры Алексей Песошин ТР Биологик ресурслар буенча дәүләт комитетының йомгаклау коллегиясе утырышында катнашты. Төп доклад белән Комитет рәисе Федор Батков чыгыш ясады. Ул билгеләп үткәнчә, ведомствоның төп бурычларыннан берсе – аучылык ресурсларын, шулай ук аларның яшәү тирәлеген саклау һәм рациональ файдалану.

Кошларның нәзберек дөньясы хакында кайгырту – аларның иминлеген саклауга керткән мөһим өлешләрнең берсе, моны балачактан ук аңлатып үстерергә кирәк. Спас районының балалар бакчасында тәрбияләнүчеләр һәм сәламәтлек мөмкинлекләре чикләнгән мәктәп укучылары аларны ничек сакларга кирәклеге нисбәтендә үрнәк күрсәтә алалар. Алар, иҗади сәләтләрен эшкә җигеп, бик теләп һәм энтузиазм белән төрле материаллардан җимлекләр ясадылар.

ТР Биоресурслар буенча дәүләт комитеты хезмәткәрләре Алексеевск, Әлки, Нурлат, Спас, Чирмешән һәм Чистай районнарыннан МХО уздыру зонасында булган сугышчыларга адреслы гуманитар ярдәм җыйдылар һәм җибәрделәр. Аңа рабиц сеткасы рулоннары һәм азык-төлек продуктлары кергән.

ТР Биоресурслар буенча дәүләт комитеты хезмәткәрләре махсус хәрби операциясе зонасындагы сугышчыларга ярдәм күрсәтүне дәвам итәләр. Анда корал һәм медикаментлар гына түгел, ә тагын бик күп башка көнкүреш әйберләре дә кирәк. «Кичке таң» тыюлыгы хезмәткәре Әлфия Нуримановада хәрби госпитальләр өчен простынялар һәм сөлгеләр тегү фикере туа. Көндез ул үсеп килүче буын белән экологик агарту чаралары үткәрә, ә кичен сугышчыларга ярдәм итә.

Түбән Кама районының яшь табигать белгечләре «Заповедный ПРОФИ 2.0» квизы буенча танып-белү-күңел ачу экологик маҗарасына юнәлделәр.

Бүген Татарстан Республикасы Биологик ресурслар буенча дәүләт комитеты хезмәткәрләре Транспорт полициясе һәм Росрыболовство хезмәткәрләре белән берлектә Кама елгасында Кызыл Бор авылы янында су биологик ресурсларын тыелган аулау коралларын кулланып тоту гамәлләрен башкарган ике гражданинны тоткарладылар.

Махсус хәрби операциядә катнашучылар Татарстан Республикасының Биологик ресурслар буенча дәүләт комитеты хезмәткәрләренә рәхмәт белдереп видео яздырдылар. Алар бензопычкылар, шома көпшәле мылтыклар һәм аларга патроннар, шулай ук беренчел кирәкле әйберләр белән башка гуманитар ярдәм алдылар.

Республикада махсус хәрби операция ихтыяҗлары өчен корал тапшыру чараларын гамәлгә ашыру дәвам итә. Бүген 17 мылтыктан һәм 550 патроннан торган чираттагы партияне Нурлат, Спас һәм Чистай районнары аучылары тапшырды.

Республика халкы озакка сузылган Яңа ел каникулыннан соң эш режимына кереп килгән арада, ТР Биоресурслар буенча дәүләт комитеты хезмәткәрләре җылуга (боз өстендә суы катмаган урын) төшкән бер яшьлек марал бозавын коткаралар. Югары Ослан районының Чангара елгасындагы хәлсезләнгән хайван турында битараф булмаган кешеләр хәбәр итә. Мөгаен, ул бер ярдан икенче ярга чыгарга уйлагандыр, көчен исәпләмичә егылган һәм тора алмаган, чөнки боз өстендә тояклары тая.