ЯҢАЛЫКЛАР

10 августта Чистай шәһәрендә балалар һәм яшүсмерләр өчен «Галактика балалары» дип аталган Республика палаткалы лагерьлар фестивале старт алды. Фестиваль эшли башлаганнан бирле сигез ел эчендә, анда сигез меңнән артык катнашучы булды. Быел фестивальгә республиканың 10 районыннан 10 яшьтән 17 яшькәчә 223 катнашучы килде. Оештыручылар алар өчен бик бай программа әзерләделәр: җыр һәм бию конкурслары, уеннар, презентацияләр һәм концертлар.

Шулай  ук фестивальдә катнашучылар янына «Чиста болыннар» дәүләт табигать тыюлыгы хезмәткәрләре дә килеп китте. Тыюлык хезмәткәрләре алар өчен «Без Кызыл китаптан» дигән бик кызыклы экопрограмма әзерләделәр. Интерактив лекциядә тыюлык хезмәткәрләре балаларга, Дәүләт табигать тыюлыклары дип атала торган ,Татарстан Республикасының аеруча саклаулы территорияләре турында сөйләделәр. Аларны «Чиста болыннар» тыюлыгы һәм аның территориясендә теркәлгән ТР Кызыл Китабы вәкилләре белән таныштырдылар. Балалар әңгәмәдә актив катнаштылар, үз фикерләрен белдерделәр, хайваннар, кошлар турында бик күп кызыклы хикәяләр сөйләделәр.

Программаның икенче өлеше – белемнәрне ныгыту уены. Анда  10 команда- һәр районның вәкиле көч сынашты. Чистай муниципаль районының «Континент йолдызлары» җыелма командасы җиңде. «Чиста болыннар» ДТКТ башлыгы уенда катнашучыларга истәлекле бүләкләр һәм Татарстан Республикасының Биологик ресурслар буенча дәүләт комитетыннан грамоталар тапшырды. Ә җиңүче командага өстәмә күңелле сюрприз – алар өчен 1 нче номерлы экомаршрут буенча, 7,5 км озынлыктагы Прость елгасы буйлап экскурсия оештырылды. Экскурсия барышында балалар лекциядә сүз барган Кызыл китапның вәкилләрен үз күзләре белән күрделәр. Барлык катнашучылар да уңай эмоцияләр генә түгел, туган як табигате турында белемнәр дә алдылар.​

 «Озын Алан» дәүләт тыюлыгы белгечләре Л.М Сорокина һәм Е. Н. Похлебкин балалар өчен экологик квест-викторина үткәрделәр, анда балаларга безнең республика урманнарының  кабатланмаслыгы һәм кыйммәте турында, урманның хәзерге заман кешесе тормышындагы әһәмияте турында сөйләделәр.

Балаларга тыюлык территориясендә үсә торган 130 елдан артык һәм биеклеге 30 м дан артык булган тау-алтай чыршысы турында, шулай ук балаларга Татарстан урманнарының сирәк һәм еш очрый торган хайваннары, аларның гадәтләре турында, агачларның токым составы һәм саклана торган сирәк үсемлекләр турында сөйләделәр.

Җанлы әңгәмәдә, балаларның сорауларында һәм фикерләрендә, яшь буынның туган як табигатенә карата тере кызыксынуы күренде. Алар тере табигать объектларын яхшырак аңлый һәм белә башладылар. Бу чара истәлегенә балаларга Дәүләт комитетыннан зур булмаган бүләкләр тапшырылды. ​

Кыргый тояклы хайваннарга җирәбә салу нәтиҗәләре.

 Бүген, 12 августта, Татарстан Республикасының Биологик ресурслар буенча дәүләт комитетында, һәркемгә керергә рөхсәт ителгән аучылык җир-суларында аулаучы физик затлар арасында, очраклы рәвештә сайлап алу юлы белән(җирәбә салу), кыргый тояклы хайваннарны табу хокукына рөхсәтнамәләрне бүлү уздырылды.

Быел җирәбә салуда 6922 гариза  катнашты(2018 елда - 4067 гариза иде).

Нәтиҗәләр белән түбәнрәк таныша аласыз (шулай ук документ рәвешендә дә чыгарырга була):

Техник хата белән бәйле рәвештә, җирәбә салуда катнашучылар исемлегенә 4 гариза кертелмичә калды. Комитет кабул ителгән гаризалар исемлеген яңартты.

Кабул ителгән һәм кире кагылган гаризаларның исемлеге белән Комитет сайтында  БУ СЫЛТАМА буенча танышырга мөмкин.

Хөрмәтле аучылар,   җәйге-көзге ау чорына  гаризалар кабул итү 26 августтан  башланачак,  һәркемгә  керергә рөхсәт ителгән аучылык  җир-суларында аулауга рөхсәтнамә  алу өчен, алдан ук, Татарстан  Республикасының Дәүләт һәм муниципаль хезмәтләр порталы яки КФҮ Call-үзәге операторлары ярдәмендә (843) 222-06-20 телефоны аша, КФҮ филиалларына кабул итүгә язылырга мөмкин.

Рөхсәтләр бирү түбәндәге документлар нигезендә башкарылачак:

- рөхсәт алу өчен гариза;

- шәхесне раслаучы документ (паспорт оригиналы);

- аучылык билеты (оригинал);

- рөхсәт биргән өчен  дәүләт пошлинасын түләү турында  квитанция (оригинал).

2019 елның 9 августыннан Татарстан Республикасының Биологик ресурслар буенча дәүләт комитеты, Татарстан Республикасының дәүләт граждан хезмәтенең вакантлы вазыйфасы - биотөрлелек бүлегенең әйдәп баручы киңәшчесе урынын алмыштыруга конкурс игълан итә.

Конкурс турында тулырак мәгълүмат безнең сайтта «Кадрлар сәясәте» бүлегендә урнаштырылган.

Татарстан Республикасының Биологик ресурслар буенча дәүләт комитеты, 12 нче августта 14 сәгатьтә, Казан шәһәре, к. Тинчурин урамы, 29 адресы буенча урнашкан Комитет бинасында узачак, җирәбә салуда катнашу  өчен кергән гаризаларны эшкәртүне тәмамлый.

        Җирәбәдә  катнашу өчен Комитетка 6918 гариза  керде, шуларның 6297се эшкәртелде. Җирәбәдә  катнашу өчен 621 гариза кабул ителмәде.

        Кабул  ителгән һәм кире кагылган  гаризаларның исемлеге белән  Комитет сайтында СЫЛТАМА буенча танышырга мөмкин.  

 «Чиста болыннар» дәүләт табигать тыюлыгы хезмәткәрләре үсеп килүче буынга экологик белем бирүне дәвам итәләр. Бу юлы  алар 10 нчы балалар бакчасына барып кайттылар.  Белгечләр балаларга Татарстан Республикасының Кызыл китабы турында, аерым саклауга һәм сакчыл мөнәсәбәткә мохтаҗ булган хайваннарның һәм үсемлекләрнең гаҗәеп төрләре турында сөйләделәр. Шулай ук дәрес барышында балалар табигать тыюлыкларының ни өчен кирәклеге турында, Чистай муниципаль районы территориясендә 2001 елда оештырылган «Чиста болыннар» табигать тыюлыгының тарихы турында белделәр.

Балалар әңгәмәдә актив катнаштылар, үз фикерләрен белдерделәр, хайваннар һәм кошлар турында бик күп кызыклы хикәяләр сөйләделәр. Алынган белемнәрне ныгыту өчен «Чистые болыннар» тыюлыгы  хезмәткәрләре «Без Кызыл китаптан» дигән уен үткәрделәр.

Аерым игътибар табигатьтә үз-үзеңне тоту кагыйдәләренә юнәлтелде. Балалар табигатьне сакларга һәм әйләнә-тирә мохиттә үз-үзеңне тоту кагыйдәләрен үтәргә вәгъдә бирделәр.

Дәрес  ахырында  Татарстан Республикасының Биологик ресурслар буенча дәүләт комитеты исеменнән  тыюлык хезмәткәрләре  «ТР Кызыл китабының гаҗәеп яшәүчеләре» дигән китап бүләк иттеләр.

Татарстан Республикасының Биологик ресурслар буенча дәүләт комитеты  «Тикшерүләр үткәрү вакытында ачыкланган хокук бозуларны кисәтү һәм хайваннар дөньясы объектларын һәм аларның яшәү тирәлеген саклау һәм куллану өлкәсендә федераль дәүләт күзәтчелеген, федераль дәүләт аучылык күзәтчелеген һәм Татарстан Республикасы территориясендә региональ әһәмияттәге махсус сакланыла торган табигый территорияләрне саклау һәм файдалану өлкәсендә региональ дәүләт күзәтчелеген гамәлгә ашырганда мәҗбүри таләпләрне үтәү турында» ачык фикер алышулар үткәрү турында хәбәр итә. Фикер алышулар 2019 елның 29 августында сәгать 10.00 , Казан шәһәре, Кәрим Тинчурин ур., 29 йорт адресы буенча узачак.

Сорауларны (мөрәҗәгатьләрне), искәрмәләрне һәм комментарийларны

 420021, Казан шәһәре, Кәрим Тинчурин урамы, 29 йорт адресы буенча;

 (843) 211 66 94 телефоны буенча;

upravlenie.nadzor@tatar.ru. электрон почта адресы буенча калдырырга мөмкин.

Бүген, Татарстан Республикасының Биологик ресурслар буенча дәүләт комитетында, Алексеевск районының  6 400 га мәйдандагы һәркемгә керергә рөхсәт ителгән аучылык җир-суларына, аучылык хуҗалыгы килешүе төзү хокукына аукцион үткәрелде.

Аукционда 4 катнашучы булды. Аукцион нәтиҗәләре буенча ҖЧҖ «Марал» җиңүче дип танылды.

Җиңүче белән 49 елга хайваннар дөньясы белән файдалану хокукына аучылык хуҗалыгы килешүе төзеләчәк.