ЯҢАЛЫКЛАР

ТР Биоресурслар буенча дәүләт комитеты хезмәткәрләре Нократ дәүләт агротехнология университеты базасында «Аучылык белеме» яңадан һөнәри әзерлек программасы буенча укуларын уңышлы тәмамладылар.

ТР Биоресурслар буенча дәүләт комитетында әйдәп баручы вазыйфалар («җитәкчеләр» категориясе) төркеменә кадрлар резервына бәйге игълан ителә. Хайваннар, үсемлекләр дөньясы һәм аеруча саклана торган табигать территорияләре өлкәсендә дәүләт күзәтчелеге буенча район (районара) бүлегенә кандидатлар карала (Тукай районы).

Бөгелмә һәм Ютазы районнары буенча районара бүлек башлыгы кояш баеган чорда күңелгә үтемле картина – поши һәм аның бозавының Бөгелмә урманнарында сәйран кылып йөрүен фотога төшерде. Алар җирле Яшканың «гаиләсе» булып чыкты.

Чистай районында «Беренчеләр хәрәкәте» җирле бүлекчәсендә катнашучылар өчен тыюлыкның чик буе территориясе буйлап «Чиста болыннардан – шифалы үләннәр» дигән мавыктыргыч экскурсия булды. Чара барышында балалар махсус сакланучы табигый территория белән чын-чынлап кызыксынуларын күрсәттеләр. Алар тыюлыкның үзе турында да, урманда үз-үзеңне тоту кагыйдәләре турында да күп сораулар бирделәр, аның территориясендә үскән шифалы үләннәр һәм җиләкләр төрләре белән кызыксындылар.

Республикада көрән аюларның кеше янына килеп чыгу очраклары ешайды. Аларны гадәти урман массивларында гына түгел, ә турыдан-туры кешеләр яши торган торак тирәсендә дә күрәләр. Ерткычларның үзләрен шулай тотуның төп сәбәпләре түбәндәгеләр:

Бүген ТР Биоресурслар буенча дәүләт комитеты хезмәткәрләре «Спас» заказнигы территориясендә Куралово авылының көньягыннан 500 метр ераклыкта Әлки районының Базарлы Матак авылында яшәүче, законсыз балык тоту кораллары белән су биологик ресурсларын тоткан кешене тоткарлады. Аңардан «Прогресс» моторлы көймәсе, «Сузуки 15» моторы, кармак җебеннән үрелгән ятьмәләр һәм балык тартып алынды.

ТР Биоресурслар буенча дәүләт комитеты 2025 – 2026 елларда гомуми кулланылыштагы аучылык биләмәләрендә аучылык ресурсларын аулауга рөхсәтләрне бүлү буенча җирәбәдә катнашу өчен килгән гаризаларны эшкәртү тәмамлануы турында хәбәр итә.

Яшьләр көнендә Татарстанда яшәүче яшьләрнең әйләнә-тирә мохитне саклауга багышланган якты башлангычларын искә төшерәсе килә. Тәтеш районы укучылары, «Озын Алан» заказнигының биологик төрлелеге турындагы тикшеренү белән таныштырып, «Туган ягым тыюлыгы территорияләре» Гомумроссия мәктәп командалары конкурсында җиңүчеләр булдылар. Аларның эше командага 77 катнашучы арасында җиңү китереп кенә калмады, яшь буынның табигый мирасны актив өйрәнүен һәм саклавын да күрсәтте. Алар үзләренең ачышлары турында сыйныфташларына һәм социаль челтәрләрдә актив сөйләделәр, ә җәй ахырында, экологик лагерьның белем бирү программасында катнашу өчен, Мәскәүгә юл тотачаклар.

Казанның битараф булмаган кешесе үр куянын коткара. Ул аны РФ Оборона министрлыгының Хәрби госпитале районындагы машина юлында таба һәм ТР Биоресурслар буенча дәүләт комитеты хезмәткәрләренә тапшыра.

Татарстан Республикасының 37 муниципаль районыннан, шулай ук Казан һәм Чаллы шәһәрләреннән 5169 яшь эколог «Парклар маршы-2025» Халыкара акциясендә катнашты. Чара кысаларында «Минем кече Ватаным табигате» темасына «Тыюлык табигате дөньясы» балалар сәнгать иҗаты конкурсы узды.